ກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ ຄັ້ງທີ
VII ຂຶ້ນຢ່າງເປັນທາງການ ໃນວັນທີ 20-21 ຕຸລານີ້, ຢູ່ຫໍປະຊຸມແຫ່ງຊາດ ນະຄອນຫລວງວຽງຈັນ, ໂດຍການໃຫ້ກຽດເຂົ້າຮ່ວມຂອງທ່ານ ຈູມມາລີ ໄຊຍະສອນ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດ, ພ້ອມດ້ວຍຜູ້ແທນແມ່ຍິງລາວທົ່ວປະເທດເຂົ້າຮ່ວມເປັນຈຳ ນວນຫລາຍ.
ທ່ານນາງ ສີໃສ ລືເດດມູນສອນ ປະທານສູນກາງສະຫະພັນແມ່ຍິງລາວ ໄດ້ກ່າວໄຂກອງປະຊຸມວ່າ: ກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ ຄັ້ງທີ
VII ໄດ້ໄຂຂຶ້ນຢ່າງສະຫງ່າຜ່າເຜີຍ, ທ່າມກາງທົ່ວພັກ, ທົ່ວກອງທັບ ແລະ ປວງຊົນລາວທັງຊາດ ໄດ້ເປັນເຈົ້າການໃນການຈັດຕັ້ງຜັນຂະຫຍາຍມະຕິ IX ຂອງພັກ, ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VII ເຂົ້າໃນທຸກຂົງເຂດວຽກງານດ້ວຍບັນຍາກາດຟົດຟື້ນ, ມີຄວາມເອກອ້າງທະນົງໃຈ ແລະ ປິຕິຊົມຊື່ນຕໍ່ການເຕີບໃຫຍ່ຂະຫຍາຍຕົວ ແລະ
ຜົນງານອັນໃຫຍ່ຫລວງຂອງພັກປະຊາຊົນປະຕິວັດລາວ
ຕະຫລອດໄລຍະ 60 ປີຜ່ານມາ, ເອົາໃຈໃສ່ຊຸກຍູ້ຂະບວນການແຂ່ງຂັນຮັກຊາດ-ພັດທະນາ, ປະຕິບັດວຽກງານ 3 ສ້າງຢ່າງມີປະສິດທິຜົນ ແລະ
ໃນໂອກາດນີ້ ຜູ້ແທນກອງປະຊຸມດັ່ງກ່າວ ຍັງໄດ້ຮັບຟັງ ແລະ ຮັບຮອງເອົາການສະຫລຸບຕີລາຄາການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນ ແມ່ຍິງລາວທົ່ວປະເທດ ຄັ້ງທີ
VI ໃນ
5ປີຜ່ານມາ, ພ້ອມກັນນັ້ນ ຍັງໄດ້ຄົ້ນຄວ້າປະກອບຄຳຄິດຄຳເຫັນ ແລະ ຮັບຮອງເອົາວິໄສທັດພັດທະນາແມ່ຍິງຮອດປີ
2030, ຍຸດທະສາດ ພັດທະນາແມ່ຍິງຮອດປີ
2025 ແລະ ແຜນພັດທະນາແມ່ຍິງ 5 ປີ
ໃຫ້ສອດຄ່ອງກັບໜ້າທີ່ການເມືອງຂອງພັກໃນໄລຍະໃໝ່, ແນໃສ່ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກ, ແຜນພັດທະນາເສດຖະກິດ-ສັງຄົມແຫ່ງຊາດ ຄັງ້ທີ VIII ແລະ ມະຕິກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ ຄັ້ງທີ
VII ໃຫ້ປະກົດຜົນເປັນຈິງ. ຜູ້ແທນກອງປະຊຸມຍັງໄດ້ຮັບ ຮອງເອົາກົດລະບຽບສະຫະພັນແມ່ຍິງລາວ ສະບັບປັບປຸງໃໝ່, ເນື້ອໃນຄຳຂວັນ ຂໍ້ແຂ່ງຂັນ 3 ດີ ຂອງສະຫະພັນແມ່ຍິງລາວ ແລະ ບົດສຳຫລວດການນຳພາຂອງຄະນະບໍລິຫານງານສູນກາງສະຫະພັນແມ່ຍິງລາວ ສະໄໝທີ
VI ເພື່ອເປັນການຢັ້ງຢືນເຖິງຜົນງານການເຄື່ອນໄຫວຂອງສະຫະພັນແມ່ຍິງ 5ປີຜ່ານມາ, ພ້ອມທັງຮັບຟັງການປະກອບຄວາມເຫັນຈາກການນຳກະຊວງອ້ອມຂ້າງ ແລະ ຕົວແບບໃນດ້ານຕ່າງໆ. ນອກຈາກນີ້ ບັນດາຜູ້ແທນສົມບູນ ຍັງໄດ້ໃຊ້ສິດປະຊາທິປະໄຕຂອງຕົນ ປ່ອນບັດຄັດເລືອກເອົາຄະນະບໍລິຫານງານສູນກາງສະຫະພັນແມ່ຍິງລາວຊຸດໃໝ່,
ເພື່ອສືບຕໍ່ຊີ້ນຳ-ນຳພາຂະບວນການຂອງແມ່ຍິງໃນການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ ຄັ້ງທີ
VII ໃຫ້ບັນລຸຜົນສຳເລັດຕາມລະດັບຄາດໝາຍ, ແນໃສ່ພັດທະນາອົງການຈັດຕັ້ງສະຫະພັນແມ່ຍິງ ມີຄວາມເຕີບໃຫຍ່ເຂັ້ມແຂງ, ປະກອບສ່ວນເຂົ້າໃນການຈັດຕັ້ງປະຕິບັດແນວທາງນະໂຍບາຍຂອງພັກ, ແຜນພັດທະນາເສດຖະກິດ-ສັງຄົມແຫ່ງຊາດ ໃຫ້ປະກົດຜົນເປັນຈິງ.
No comments:
Post a Comment