ກອງປະຊຸມສະຫລຸບການຈັດຕັ້ງປະຕິບັດຂະບວນການແຂ່ງຂັນຮັກຊາດ, ສ້າງບ້ານພັດທະນາ ແລະ ຜັນຂະຫຍາຍວຽກງານ 3 ສ້າງ, ໄດ້ອັດລົງດ້ວຍຜົນສຳເລັດຈົບງາມ ໃນບ່າຍວັນທີ
26 ພະຈິກນີ້, ພາຍ ຫລັງດຳເນີນມາເປັນເວລາ 2 ວັນ, ທີ່ຫໍປະຊຸມແຫ່ງຊາດ ນະຄອນ ຫລວງວຽງຈັນ ໂດຍການໃຫ້ກຽດເຂົ້າຮ່ວມຂອງ ສະຫາຍເລຂາທິກ ານໃຫຍ່
ຄະນະບໍລິຫານງານ ສູນກາງພັກປະຊາຊົນປະຕິ
ວັດລາວ
ປະທານປະເທດແຫ່ງ ສປປ
ລາວ, ເຊິ່ງກອງປະຊຸມໄດ້ສະຫລຸບຕີລາຄາ ແລະ ຍ້ອງຍໍຜົນ ງານດີເດັ່ນຂອງຂະບວນການແຂ່ງຂັນຮັກຊາດ, ສ້າງບ້ານພັດທະ ນາ
ແລະ ຜັນຂະຫຍາຍວຽກງານ 3 ສ້າງ ໃຫ້ເຂົ້າສູ່ລວງເລິກໃນຂອບເຂດທົ່ວປະເທດ.
ໃນໂອກາດນີ້,
ສະຫາຍເລຂາທິການໃຫຍ່ ປະທານປະເທດ ຈູມມາລີ ໄຊຍະສອນ ໄດ້ໃຫ້ກຽດໂອ້ລົມຕໍ່ກອງປະຊຸມວ່າ: ໃນໄລຍະຜ່ານມາ ເຖິງວ່າພວກເຮົາຍາດໄດ້ຜົນສຳເລັດຫລາຍດ້ານ, ແຕ່ຍັງມີບາງບັນຫາ
ທີ່ເປັນຈຸດອ່ອນຄົງຄ້າງ ເພື່ອສືບຕໍ່ແກ້ໄຂຄື:
ຄວາມເຂົ້າໃຈກ່ຽວກັບເປົ້າໝາຍ, ເນື້ອໃນຂອງການເຮັດທົດລອງວຽກງານ 3 ສ້າງ ຍັງບໍ່ທັນແໜ້ນ, ບໍ່ເລິກເຊິ່ງ ແລະ ບໍ່ທັນເອກກະພາບ, ເຮັດໃຫ້ການຊີ້ນຳຜັນຂະຫຍາຍກໍຍັງມີລັກສະນະຢຸດໆຢ່ອນໆ, ບໍ່ທັນກຳນົດແຈ້ງວຽກຈຸດສຸມທີ່ຕ້ອງແກ້ໄຂ ຢູ່ແຕ່ລະຂັ້ນ; ການສ້າງບ້ານພັດທະນາ ບໍ່ທັນເພີ່ມທະວີເອົາໃຈໃສ່ສຶກສາອົບຮົມ, ປຸກລະດົມປະຊາຊົນຕື່ນຕົວ ແລະ ບືນຕົວພັດທະນາຕົນເອງ ແລະ ຄອບຄົວບົນພື້ນຖານນຳໃຊ້ທຸກຄວາມສາມາດດ້ານທຶນຮອນ, ແຮງງານ, ມູນເຊື້ອຂອງແຕ່ລະຄອບຄົວ ສົມທົບກັບການຂຸດຄົ້ນ, ນຳໃຊ້ທ່າແຮງ ແລະ ປັດໃຈເອື້ອອຳນວຍຕ່າງໆທີ່ມີ;
ການປຸກລະດົມ, ສ້າງເງື່ອນໄຂໃຫ້ຜູ້ປະກອບການເຂົ້າຮ່ວມຂະບວນການ 3 ສ້າງ ກໍຍັງບໍ່ທັນໄດ້ຮັບຄວາມເອົາໃຈໃສ່ເທົ່າທີ່ຄວນ; ການພັດທະນາ ກໍຍັງເນັ້ນແຕ່ການສ້າງໂຄງ ການ ໂດຍນຳໃຊ້ງົບປະມານຂອງລັດເປັນຕົ້ນຕໍ, ເຮັດໃຫ້ຂະບວນການບໍ່ທັນເລີ່ມຈາກຄວາມຢາກໄດ້ ແລະ ການເຂົ້າຮ່ວມອັນແທ້ຈິງຂອງປະຊາຊົນ ແລະ ທຸກພາກສ່ວນໃນທົ່ວສັງຄົມ; ຕົວແບບທີ່ເກີດຂຶ້ນຍັງບໍ່ທັນຫລາຍ, ສ່ວນໃຫຍ່ບໍ່ທັນຮັບປະກັນຄວາມຍືນຍົງ; ການຈັດວາງພະນັກງານການນຳ,
ວິຊາການ ເຂົ້າໃນວຽກງານທີ່ກ່ຽວຂ້ອງ ບໍ່ທັນເປັນລະບົບຈະແຈ້ງ ພ້ອມທັງການກຳນົດຄວາມຮັບຜິດຊອບ ກໍຍັງລວມໆ,ຈຶ່ງເຮັດໃຫ້ການຕີລາຄາຜົນງານ, ວຽກດີຄົນເດັ່ນຫລາຍບ່ອນ ບໍ່ແທດກັບຕົວຈິງ, ການຍ້ອງຍໍ ຍັງບໍ່ທັນການ, ຜູ້ດີເດັ່ນໃນຂະບວນການຕົວຈິງ ທີ່ຕິດພັນກັບຕົວແບບດີເດັ່ນ ຢູ່ຮາກຖານແທ້ກໍຍັງບໍ່ຫລາຍ ແລະ ບັນຫາອື່ນໆ.
ດັ່ງນັ້ນ ເພື່ອໃຫ້ຂະບວນການດັ່ງກ່າວ
ປະກົດຜົນເປັນຈິງຫລາຍຂຶ້ນ ພາກສ່ວນກ່ຽວຂ້ອງ ຈົ່ງສືບຕໍ່ຈັດຕັ້ງຜັນຂະຫຍາຍວຽກງານ 3 ສ້າງ ໃຫ້ເຂົ້າສູ່ລວງເລິກຂຶ້ນຕື່ມ, ຮີບຮ້ອນກວດຄືນ ບັນດານິຕິກຳທີ່ກຳນົດ ພາລະບົດບາດ, ຂອບເຂດສິດ, ຄວາມຮັບຜິດຊອບຂອງແຕ່ລະຂັ້ນແຕ່ລະພາກສ່ວນ ແລະ ສະພາບການຈັດວາງພະນັກງານ ເພື່ອປັບປຸງໃຫ້ຖືກທິດ ແລະ ຕ້ອງສຸມໃສ່ການສ້າງບ້ານໃຫ້ເປັນຫົວໜ່ວຍພັດທະນາ ແລະ ສ້າງເມືອງໃຫ້ເປັນຫົວໜ່ວຍເຂັ້ມແຂງຮອບດ້ານ; ຄັດເລືອກເອົາພະນັກງານຜູ້ທີ່ມີຜົນງານດີເດັ່ນ ຈາກຂະບວນການຕົວຈິງ ຢູ່ຂັ້ນຮາກຖານ ເພື່ອສ້າງເປັນພະນັກງານສືບທອດນຳພາ ຕາມທິດຫັນເປັນໜຸ່ມ ແລະ ໜັກແໜ້ນ; ສືບຕໍ່ປ່ຽນແປງຕົນເອງ ຢ່າງບໍ່ຢຸດຢັ້ນຕາມຈິດໃຈ 4 ບຸກທະລຸ ເພື່ອຕອບສະໜອງຄວາມຮຽກຮ້ອງຕ້ອງການໃນການຍົກສູງຄວາມສາມາດ ແລະ ຄຸນນະພາບການນຳພາຂອງພັກ ໃນໄລຍະໃໝ່, ນຳພາການຈັດຕັ້ງຜັນຂະຫຍາຍວຽກງານ 3 ສ້າງ ໃຫ້ປະກົດຜົນເປັນຈິງ; ເພີ່ມທະວີການນຳພາ, ຊີ້ນຳ,
ບັນຊາ ແລະ ຕິດຕາມກວດກາການຜັນຂະຫຍາຍຕາມທິດທີ່ວາງໄວ້.
ນອກຈາກນີ້ ໃນກອງປະຊຸມ ສະຫາຍເລຂາທິການໃຫຍ່, ປະທານປະເທດ ຍັງໄດ້ໃຫ້ກຽດປະດັບຫລຽນນາມມະຍົດພັດທະນາດີເດັ່ນແຫ່ງຊາດ ໃຫ້ບ້ານສາມສ້າງ ຈຳນວນ 3 ບ້ານຄື: ບ້ານພວມເລົາ-ຜາແກ້ວ, ບ້ານເມືອງປາ, ເມືອງປາກລາຍ, ແຂວງໄຊຍະບູລີ ແລະ ບ້ານສີບຸນເຮືອງ, ເມືອງຮຸນ ແຂວງອຸດົມໄຊ
ແລະ 5 ບຸກຄົນດີເດັ່ນຄື: ສະຫາຍ ດຣ.
ນາງ ພູດາໄລ ລັດວິໄລວົງ ຫົວໜ້າສູນຄົ້ນຄວ້າ ແລະ ຂະຫຍາຍແນວພັນເຂົ້າທ່າສະໂນ,
ເມືອງໄກສອນ ພົມວິຫານ ແຂວງສະຫວັນນະເຂດ, ສະຫາຍນາງ ສົງບັນດິດ ຍົດໝັ້ນຄົງ ອຳນວຍການບໍລິສັດທົ່ງລະຫາສິນ, ເມືອງໄກສອນ ພົມວິຫານ
ແຂວງສະຫວັນນະເຂດ, ສະຫາຍ ເກຍ ອູ່ສິດທິເດດ ກຳມະການແນວລາວສ້າງຊາດແຂວງ, ຜູ້ອຳ ນວຍການໂຮງງານຜະລິດນ້ຳດື່ມ, ນ້ຳກ້ອນໂລມາຄຳ
ແຂວງສາລະວັນ, ສະຫາຍ ແຖວທອງ ຈັນທິລັກ ຕົວແບບດີເດັ່ນ ບ້ານໃຫຍ່ ເມືອງບໍ່ແຕນ ແຂວງໄຊຍະບູລີ ແລະ ສະຫາຍ ລາວມາ ລີຄຳສຸກເຢັຍເຊັງ ຫົວໜ້າສະຫະກອນຢາງພາລາເລກ 1, ບ້ານຫາດຍາວ, ເມືອງ ແລະ ແຂວງຫລວງນ້ຳທາ ທີ່ມີຜົນງານດີເດັ່ນໃນຂະບວນການແຂ່ງຂັນຮັກຊາດ ແລະ ພັດທະນາຕິດພັນກັບວຽກງານກໍ່ສ້າງຮາກຖານການເມືອງ, ພັດທະນາຊົນນະບົດຮອບດ້ານ ແລະ ຊຸກຍູ້ວຽກງານ 3 ສ້າງ.
No comments:
Post a Comment