ພິທີສະເຫລີມສະຫລອງວັນສ້າງຕັ້ງສະຫະພັນນັກຂ່າວອາຊຽນ ຄົບຮອບ
40 ປີ
ແລະ ກອງປະຊຸມໃຫຍ່ ຄັ້ງທີ 18 ຂອງສະຫະພັນດັ່ງກ່າວ ໄດ້ຈັດຂຶ້ນທີ່ນະຄອນຫລວງຮ່າໂນ້ຍ ສສ ຫວຽດນາມ
ໃນວັນທີ 27 ພະຈິກນີ້ ໂດຍສະມາຄົມນັກຂ່າວ ສສ ຫວຽດນາມ
ເຊິ່ງມີທ່ານຮອງນາຍົກລັດຖະມົນຕີ ສສ ຫວຽດນາມ
ຫວູ່ດຶກດາມ, ທ່ານປະທານກອງເລຂາອາຊຽນ ເລເລືອງມິງ ພ້ອມຄະນະຜູ້ແທນສະມາ ຄົມດັ່ງກ່າວຈາກປະເທດສະມາຊິກອາຊຽນ ແລະ ຜູ້ສັງເກດການຈາກປະເທດອິນເດຍ, ສປ ຈີນ ແລະ ສ.ເກົາຫລີ ເຂົ້າຮ່ວມນຳດ້ວຍ.
ໃນງານສະເຫລີມສະຫລອງທີ່ໄດ້ດຳເນີນໄປດ້ວຍບັນຍາກາດອັນສະໜິດສະໜົມ ແລະ ຟົດຟື້ນຂອງປະເທດເຈົ້າພາບທີ່ມີຕໍ່ແຂກນັ້ນ ໄດ້ຍົກໃຫ້ເຫັນບັນດາຜົນງານ ແລະ ການເຕີບໃຫຍ່ຂະຫຍາຍຕົວຂອງ
ສະຫະພັນນັກຂ່າວດັ່ງກ່າວຕະຫລອດໄລຍະ 40 ປີຜ່ານມາ ນັບແຕ່ມື້ສ້າງຕັ້ງຂຶ້ນເມື່ອວັນທີ 11 ມີນາ 1975 ທີ່ນະຄອນຫລວງຈາກາຕາ ປະເທດອິນໂດເນເຊຍ ເຊິ່ງເບື້ອງຕົ້ນມີສະມາຊິກພຽງ 5 ປະເທດ ຄືສະມາຄົມນັກຂ່າວອິນໂດເນເຊຍ, ມາເລເຊຍ, ຟີລິບປິນ, ປະເທດໄທ ແລະ ສິງກະໂປ
ເຊິ່ງມາຮອດປັດຈຸບັນໄດ້ຂະຫຍາຍອອກເປັນ 7 ປະເທດສະມາຊິກ ໂດຍການເຂົ້າຮ່ວມຂອງສະມາຄົມນັກຂ່າວຫວຽດນາມ ແລະ ສປປ
ລາວ ພ້ອມມີ
3 ປະເທດເປັນຜູ້ປະສານງານ ແລະ 5 ປະເທດສັງເກດການ ແລະ ນັບແຕ່ນັ້ນມາ ບັນດານັກຂ່າວອາຊຽນໄດ້ເປີດກວ້າງການພົວພັນຮ່ວມມືນຳກັນໃນທຸກຂົງເຂດວຽກງານ. ພິເສດແມ່ນດ້ານວິຊາການ ເພື່ອແນໃສ່ເພີ່ມທະວີສ້າງຄວາມເຂັ້ມແຂງໃຫ້ແກ່ການພົວພັນຮ່ວມມືຊ່ວຍເຫລືອເຊິ່ງກັນ ແລະ ກັນ ເພື່ອພ້ອມກັນກ້າວໜ້າຂະຫຍາຍຕົວ, ປະກອບສ່ວນສຳຄັນເຂົ້າໃນການເສີມຂະຫຍາຍຄວາມສາມັກຄີມິດຕະພາບ ແລະ ການຮ່ວມມືລະຫວ່າງນັກຂ່າວ ກໍຄືປະຊາຊົນບັນດາປະເທດອາຊຽນນຳກັນ.
ໃນຕອນບ່າຍຂອງມື້ດຽວກັນ, ກອງປະຊຸມໃຫຍ່ຄັ້ງທີ 18 ຂອງສະຫະພັນນັກຂ່າວດັ່ງກ່າວໄດ້ດຳເນີນໄປດ້ວຍຜົນສຳເລັດສູງ ເຊິ່ງໄດ້ຄັດເລືອກເອົາຄະນະບໍລິຫານງານຊຸດໃໝ່ ໂດຍທ່ານ ຖ້ວຍຮິວ ອຳນວຍການໃຫຍ່ໜັງສືພິມເຍິນເຢິນ ຫວຽດນາມ,
ປະທານສະມາຄົມນັກຂ່າວ ສສ ຫວຽດນາມ
ເປັນປະທານ. ປະທານສະມາຄົມນັກຂ່າວ ສສ ຫວຽດນາມ
ເປັນປະທານສະຫະພັນນັກຂ່າວອາຊຽນຊຸດທີ 18 ແລະ ໄດ້ຮັບຮອງເອົາຖະແຫລງການຮ່ວມຂອງກອງປະຊຸມຄັ້ງນີ້ດ້ວຍວິໄສທັດຂອງກອງປະຊຸມສຸດຍອດອາຊຽນຄັ້ງທີ 27 ເພື່ອແນໃສ່ກະຕຸກຊຸກຍູ້ ແລະ ສົ່ງເສີມຄວາມຮັບຜິດຊອບຂອງສື່ມວນຊົນໃນການໂຄສະນາເພີ່ມທະວີຄວາມຮັບຮູ້ ແລະ ເຂົ້າໃຈລະຫວ່າງປະຊາຊາດອາຊຽນນຳກັນ ເພື່ອການຮ່ວມມືຊ່ວຍເຫລືອເຊິ່ງກັນ ແລະ ກັນ, ພ້ອມກັນກ້າວໄປສູ່ຄວາມຮຸ່ງເຮືອງສີວິໄລ.
No comments:
Post a Comment