ພິທີດັ່ງກ່າວໄດ້ຈັດຂຶ້ນໃນວັນທີ 13 ພະຈິກ 2015 ທີ່ສະຖາບັນສູນພັດທະນາກໍາມະບານລາວລະຫວ່າງທ່ານ
ອຸ່ນຄໍາ ບຸນຍະແສງ ຫົວໜ້າກົມປົກປ້ອງແຮງງານສູນກາງສະຫະກໍາມະບານລາວແລະ ທ່ານນາງ
ຕຸ້ມຄໍາ ພວງມະຈັນ ຜູ້ອໍານວຍການບໍລິສັດລາວໄອແຄຣຈໍາກັດ ຜູ້ດຽວປະຈໍາລາວ,
ມີພະນັກງານທັງສອງຝ່າຍເຂົ້າຮ່ວມເປັນສັກຂີພິຍານ,
ທ່ານນາງ ຕຸ້ມຄໍາ ພວງມະຈັນ ກ່າວວ່າ: ໂຄງການຍົກສູງຄຸນນະພາບຊີວິດຊາວຜູ້ອອກແຮງງານແມ່ນຖືກສ້າງຕັ້ງຂຶ້ນທໍາອິດຢູ່
ສສ ຫວຽດນາມ ແລະ ປັດຈຸບັນແມ່ນໄດ້ເປີດການບໍລິການຢູ່ ສປປ ລາວ ເຊິ່ງໄດ້ດໍາເນີນທຸລະກິດຕັ້ງແຕ່ຕົ້ນປີ
2015 ມີ 2 ສາຂາຄື: ນະຄອນຫລວງວຽງຈັນ
ແລະສະ ຫວັນນະເຂດ, ປັດຈຸບັນມີຈໍານວນພະນັກງານ, ກໍາມະກອນພາຍໃຕ້ສັນຍາທີ່ເຂົ້າຮ່ວມໂຄງການປະ ມານ 10 ພັນກວ່າຄົນທີ່ເຮັດວຽກຢູ່ຕາມບັນດາບໍລິສັດຫລາຍກວ່າ 54 ແຫ່ງທີ່ແຕກຕ່າງກັນ.
ໂຄງການດັ່ງກ່າວຍັງໄດ້ໃຫ້ດໍາເນີນການຢູ່ຫລາຍປະເທດເຊັ່ນ: ກໍາປູເຈຍ, ອິນໂດເນເຊຍ, ໄທ, ຟິລິບປິນ ແລະ ອິນເດຍ
ໂດຍມີບັນດາບໍລິສັດຂະໜາດໃຫຍ່ເຂົ້າຮ່ວມໂຄງການຢູ່ປະມານ 700 ກວ່າແຫ່ງ ເຊັ່ນ: ໄນກີ Nike, ຊໍາຊຸງ Samsung, ພານາໂຊນິກ Panasonic, ຢາມາຮາ yamaha ແລະ ອື່ນໆ, ນອກຈາກນັ້ນໂຄງການມີແຜນຈະຂະຫຍາຍສາຂາຕື່ມອີກອີກໃນຫລາຍກວ່າ
50 ປະເທດທົ່ວອາຊີ ແລະ ທະວີບອື່ນໆໃນປີ 2019.
No comments:
Post a Comment