ກອງປະຊຸມປຶກສາຫາລືວຽກງານເສດຖະກິດມະຫາພາກລະຫວ່າງລັດຖະບານລາວ ແລະ ຄູ່ຮ່ວມພັດທະນາໄດ້ຈັດຂຶ້ນໃນວັນທີ 12 ພະຈິກນີ້ທີ່ນະຄອນຫລວງວຽງຈັນ ໂດຍການເປັນປະທານຂອງທ່ານລັດຖະມົນຕີຊ່ວຍວ່າການກະຊວງແຜນການ ແລະການລົງທຶນດຣ. ຄຳລຽນພົນເສນາ, ທ່ານນາງຊານດຣານິໂຄນ (Sandra
Nicoll) ຫົວໜ້າສຳນັກງານຜູ້ຕາງໜ້າທະນາຄານພັດທະນາອາຊີ (ADB) ປະຈຳລາວ ແລະ ທ່ານນາງ ຊາລີ
ເບີນນິງແຮມ (Sally Burnningham) ຫົວໜ້າສຳນັກງານຜູ້ຕາງໜ້າທະນາຄານໂລກປະຈຳລາວ ເພື່ອຈະໄດ້ພ້ອມກັນປຶກສາຫາລືກ່ຽວກັບບົດຖະແຫລງການຮ່ວມຂອງໜ່ວຍງານເສດຖະກິດມະຫາພາກ (Joint Statement of Macro economic Working
Group) ໃຫ້ມີຄວາມເປັນເອກະພາບທາງດ້ານເນື້ອໃນ ແລະ ແຜນປະຕິບັດງານຮ່ວມກັນລະຫວ່າງລັດຖະບານລາວກັບຄູ່
ຮ່ວມພັດທະນາກ່ອນໄປນຳສະເໜີໃນກອງປະຊຸມໂຕະມົນລະດັບສູງຄັ້ງທີ 12 ທີ່ຈະຈັດຂຶ້ນໃນວັນທີ 27 ພະຈິກນີ້. ນອກຈາກນັ້ນກອງປະຊຸມຍັງຈະໄດ້ຮັບຟັງຄວາມຄືບໜ້າຂອງການສຳຫລວດພົນລະເມືອງ ແລະທີ່ຢູ່ອາໄສຄັ້ງທີ IV ທີ່ໄດ້ສຳຫລວດຜ່ານມາແລ້ວ ເຊິ່ງມາຮອດປັດຈຸບັນແມ່ນຢູ່ໃນຂັ້ນຕອນວິໄຈຂໍ້ມູນການສຳຫລວດ ແລະ ກະກຽມບົດລາຍງານ, ພ້ອມທັງຮັບຟັງລາຍງານການຕີລາຄາຮອບດ້ານຂອງການພັດທະນາໃນ ສປປ ລາວ
(Sys tematic Country Diagnostic) ຈາກທະນາຄານໂລກປະຈຳລາວ ເຊິ່ງຈະສາມາດຊ່ວຍໃຫ້ຮູ້ໄດ້ຂອງການເຕີບໃຫຍ່ເສດຖະກິດທີ່ສົມດູນ
ແລະ ຍືນຍົງໃນການກ້າວໄປເຖິງການຫລຸດຜ່ອນ ແລະ ລຶບລ້າງຄວາມທຸກຍາກຂອງປະຊາຊົນນຳອີກ.
No comments:
Post a Comment