ຄືນວັນທີ
2 ທັນວາຜ່ານມາ,
ຢູ່ສະໜາມກິລາແຫ່ງຊາດ (ຫລັກ 16), ນະຄອນ ຫລວງວຽງຈັນ, ໄດ້ຈັດງານສະແດງສິລະປະ-ວັດທະນະທໍາ ດ້ວຍບັນຍາກາດຟົດຟື້ນ
ແລະ ຍິງບັ້ງໄຟດອກ ເປັນຈຳ ນວນຫລາຍຢ່າງງົດງາມ ເພື່ອສະເຫລີມສະຫລອງວັນສະຖາປະນາ ສາທາລະນະລັດ
ປະຊາທິປະໄຕ ປະຊາຊົນລາວ
ຄົບຮອບ 40 ປີ ດ້ວຍບັນຍາກາດຟົດຟື້ນ, ໂດຍການໃຫ້ກຽດເຂົ້າຮ່ວມຊົມຂອງທ່ານ ຈູມມາລີ ໄຊຍະສອນ ເລຂາທິການໃຫຍ່ຄະນະບໍລິຫານງານສູນກາງພັກ ປະຊາຊົນປະຕິວັດລາວ, ປະທານປະເທດແຫ່ງ ສປປ ລາວ,
ພ້ອມດ້ວຍບັນດາການນຳຂັ້ນສູງພັກ-ລັດ, ມີຄະນະຜູ້ແທນຂັ້ນສູງຈາກປະເທດເພື່ອນມິດ ແລະ ຜູ້ຕາງໜ້າຈາກທູຕານຸທູດ ແລະ
ມວນຊົນຊາວນະຄອນຫລວງວຽງຈັນ ເຂົ້າຮ່ວມເປັນຈຳນວນຫລວງຫລາຍ.
ງານສະແດງທີ່ຍິ່ງໃຫຍ່ຄັ້ງນີ້ ມີນັກສະແດງເຂົ້າຮ່ວມຫລາຍ 4 ພັນຄົນທີ່ມາຈາກຫລາຍພາກ ສ່ວນເຊັ່ນ: ກອງສິລະປະກອນສູນກາງ,
ກອງສິລະປະກອນກອງທັບ, ກອງ
ສິລະປະປ້ອງກັນຄວາມສະຫງົບ, ໂຮງຮຽນສິລະປະດົນຕີແຫ່ງຊາດ, ວິທະຍາໄລສ້າງຄູ ສິລະປະ ແລະ
ວິທະຍາໄລເອກະຊົນຈຳນວນໜຶ່ງ, ເພື່ອມາຮັບໃຊ້ການສະແດງເນື່ອງໃນໂອກາດສະເຫລີມສະຫລອງວັນປະຫວັດສາດສຳຄັນຂອງຊາດໃນຄັ້ງນີ້, ໂດຍການສະແດງ ເລີ່ມຕົ້ນດ້ວຍບົດຂັບລຳລ່ອງຊື່ວ່າ: “ກ້າວສ້າງເມືອງລາວ” ເຊິ່ງບັນລະຍາຍເຖິງປະຫວັດ ສາດແຫ່ງການຕໍ່ສູ້ກູ້ຊາດອັນລຳບາກຍາວນານທີ່ເຕັມໄປດ້ວຍຄວາມເສຍສະຫລະເລືອດເນື້ອຂອງກອງທັບ ແລະ ປະຊາຊົນລາວບັນດາເຜົ່າ ນັບແຕ່ວັນທີ
2 ທັນວາ 1975 ທີ່ປະເທດຊາດໄດ້ຮັບການປົດປ່ອຍຢ່າງສົມບູນ ແລະ ສະຖາປະນາສາທາລະນະລັດ ປະຊາທິປະໄຕ ປະຊາຊົນລາວ ຂຶ້ນຢ່າງສະຫງ່າງາມຜ່າເຜີຍ, ຕິດຕາມມາດ້ວຍບົດຟ້ອນ “ສຸກໃຈໃນບ້ານເຮົາ” ເຊິ່ງມີເນື້ອໃນພັນລະນາເຖິງຂະບວນການຂອງມວນຊົນ ທີ່ໄດ້ພ້ອມພາກັນລຸກຮື້ຂຶ້ນ ຕໍ່ສູ້ຢຶດອຳນາດມາສູ່ປະເທດຊາດ ແລະ ແຕ່ນັ້ນມາ
ປະຊາຊົນລາວທຸກຊົນຊາດ, ຊົນເຜົ່າ
ແລະ ຊັ້ນຄົນຕ່າງໆໄດ້ພ້ອມພາກັນສ້າງສາພັດທະ ນາບ້ານເມືອງໃຫ້ຢູ່ດີ,
ກິນດີດ້ວຍ ຄວາມຜາສຸກໃນແຜ່ນດິນແມ່ແຫ່ງນີ້, ຕໍ່ດ້ວຍບົດຟ້ອນ
“ຢາດເຫື່ອເພື່ອປະຊາ” ຊຶ່ງໄດ້
ເລົ່າເຖິງຜົນງານການສ້າງສາພັດທະນາປະເທດຊາດ ຕະຫລອດໄລຍະ 40ປີ
ຜ່ານມາ ເຊິ່ງມີກະສິກອນ,
ກຳມະກອນຜູ້ດຸໝັ່ນຂະຫຍັນພຽນ, ເສຍສະຫລະຢາດເຫື່ອແຮງກາຍ, ຫລັງສູ້ຟ້າໜ້າສູ້ດິນຜ່ານຜ່າຄວາມຫຍຸ້ງຍາກນາໆປະການ ເພື່ອນຳເອົາຄວາມຢູ່ດີກິນດີ ແລະ ຄວາມຈະເລີນຮຸ່ງເຮືອງສີວິໄລມາສູ່ບ້ານເກີດເມືອງນອນ ແລະ ປວງຊົນບັນດາເຜົ່າ ໃນທົ່ວປະເທດ ແລະ ບົດຟ້ອນ
“ນົກສັນຕິພາບໂບຍບິນ” ຊຶ່ງມີເນື້ອໃນເວົ້າເຖິງຜົນສຳເລັດ ໃນການສ້າງສາພັດທະນາທາງດ້ານວັດທະນະທຳ-ສັງຄົມເປັນຕົ້ນ ແມ່ນການສຶກສາ-ກິລາ ທີ່ໄດ້ມີຄວາມຕັ້ງໜ້າໃນການພັດທະນາຊັບພະຍາກອນມະນຸດໃຫ້ມີຄວາມຮູ້ທາງດ້ານເຕັກ ນິກວິທະຍາສາດ ແລະ
ຄວາມຮູ້ຄວາມສາມາດອື່ນໆ, ສະແດງເຖິງຜົນສຳເລັດດ້ານສາທາ ລະນະສຸກ
ກໍຄືວຽກງານສິລະປະວັດທະນະທຳຂອງຊາດຕະ ຫລອດໄລຍະ 40ປີ ແລະ ການສະແດງບົດຟ້ອນ
“ປົກປ້ອງມາຕຸພູມ” ມີເນື້ອໃນພັນລະນາເຖິງຄວາມເຕີບໃຫ່ຍເຂັ້ມ ແຂງຂອງກຳລັງປ້ອງກັນຊາດ-ປ້ອງກັນຄວາມສະຫງົບຂອງປະຊາຊົນລາວ ທີ່ໄດ້ເປັນ
ຫລັກແຫລ່ງແກ່ນສານໃນການປົກປ້ອງຜືນແຜ່ນດິນລາວ ແລະ ອະທິ ປະໄຕອັນສັກກາລະ ບູຊາຂອງຊາດໃຫ້ມີຄວາມສະຫງົບຮົ່ມເຢັນປະເທດຊາດໄດ້ຢູ່ໃນບັນຍາກາດແຫ່ງສັນຕິພາບປະຊາຊົນລາວບັນດາເຜົ່າໄດ້ດຳລົງຊີວິດ ແລະ ສ້າງສາພັດທະນາດ້ວຍຄວາມຜາສຸກຮົ່ມ ເຢັນ
ແລະ ການສະແດງຊຸດສຸດທ້າຍມີຊື່ວ່າ: “ກ້າວເດີນໃຕ້ຮົ່ມທຸງໄຊ” ໄດ້ພັນລະນາເຖິງ ຄວາມສາ ມັກຄີອັນເປັນປຶກແຜ່ນແໜ້ນໜາຂອງທົ່ວພັກ-ທົ່ວກຳລັງປະກອບອາວຸດ ແລະ
ປວງຊົນລາວບັນດາ ເຜົ່າພາຍໃຕ້ການນຳພາຂອງພັກພ້ອມກັນກ້າວຂຶ້ນດ້ວຍຈິດໃຈເຊື່ອໝັ້ນຕໍ່ອຸດົມການ ແລະ ອະນາຄົດອັນສະຫວ່າງສະໄຫວຂອງປະເທດຊາດ.
ພາຍຫລັງການສະແດງສິ້ນສຸດລົງ ກໍໄດ້ມີພິທີຍິງບັ້ງໄຟດອກເປັນຈຳນວນຫລາຍ ທີ່ສະໜາມກິລາແຫ່ງຊາດ (ຫລັກ
16), ເດີ່ນພະທາດຫລວງ ແລະ
ສວນເຈົ້າອານຸວົງ ທີ່
ເຕັມໄປດ້ວຍສີສັນສວຍສົດງົດງາມ ແລະ ສ້າງຄວາມປະທັບໃຈໃຫ້ກັບແຂກ ແລະ
ມວນ ຊົນທີ່ເຂົ້າຮ່ວມຊົມໄດ້ເປັນຢ່າງດີ.
No comments:
Post a Comment