ທ່ານ ຄຳພູນ ເຕເມລາດ ຜູ້ອຳນວຍການ
ລັດວິສາຫະກິດລົດເມນະຄອນຫລວງວຽງຈັນ ໄດ້ໃຫ້ສຳພາດໃນວັນທີ 6 ມັງກອນນີ້ ວ່າ: ໂຄງການກໍ່ສ້າງສະຖານີລົດເມ
ນະຄອນຫລວງວຽງຈັນ ໂດຍການອອກ
ແບບຂອງບໍລິສັດ NIKKEN SEKKEI ຍີ່ປຸ່ນ, ໂດຍແມ່ນ ບໍລິສັດ ຈິດຈະເລີນກໍ່ສ້າງ ຈຳກັດ
ເປັນຜູ້ຮັບເໝົາກໍ່ສ້າງ ແລະ ສຳປະທານ ໃນໄລຍະ ເວລາ 70 ປີ ດ້ວຍມູນຄ່າການລົງທຶນ 47,5 ລ້ານໂດລາສະຫະລັດ ຫລື ປະມານ 370 ຕື້ກີບ. ໂຄງການດັ່ງກ່າວເປັນອາຄານ 12 ຊັ້ນ
ໂດຍແບ່ງອອກເປັນ 2 ສ່ວນ ຄື:
ສ່ວນໜຶ່ງຈະເປັນບ່ອນຈອດລົດທົ່ວໄປ; ສ່ວນທີ 2 ຈະເປັນສະຖານີຈອດລົດເມ, ຊັ້ນ 2 ຈະເປັນຫ້ອງການບໍລິການຂອງລັດວິສາຫະກິດລົດເມ, ຮ້ານຊັບພະສິນຄ້າ
ແລະ ຫ້ອງການໃຫ້ເຊົ່າ ສ່ວນຊັ້ນດາດຟ້າ ຈະສ້າງເປັນຮ້ານອາຫານ ແລະ
ເປັນບ່ອນຊົມທິວທັດຕົວເມືອງຫລວງວຽງຈັນ.
ໂຄງການນີ້
ຍັງຈະສ້າງຂົວຂ້າມເຊື່ອມຕໍ່ລະຫວ່າງສະຖານີລົດເມ ກັບຕະຫລາດເຊົ້າ
ເພື່ອເຮັດໃຫ້ການໄປມາຂອງປະຊາຊົນ ມີຄວາມສະດວກ,
ພ້ອມຈະມີການປັບປຸງສະຖານທີ່ ແລະ ເສັ້ນທາງຢູ່ບໍລິເວນສະຖານີ
ໃຫ້ມີຄວາມສວຍງາມ ດ້ວຍການປະດັບປະດາ ແລະ ປູກຕົ້ນໄມ້. ໂດຍລວມແລ້ວ
ສະຖານີລົດເມດັ່ງກ່າວຈະມີຄວາມສະດວກຫລາຍຢ່າງໃນການບໍລິການຜູ້ໂດຍສານສາຍພາຍໃນ,
ຕ່າງປະເທດ ແລະ ຮັບປະກັນຄວາມປອດໄພ.
No comments:
Post a Comment