ສະໜອງຕາມຄຳເຊີນຂອງ
ສະຫາຍ ຟ້າມ ບິ່ງ ມິງ,
ຮອງນາຍົກລັດຖະມົນຕີ, ລັດຖະມົນຕີກະ ຊວງການຕ່າງປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ, ສະຫາຍ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງກະຊວງການຕ່າງປະເທດ
ເດີນທາງຢ້ຽມຢາມຢ່າງເປັນທາງການ ທີ່ ສາທາລະນະລັດ ສັງຄົມນິຍົມ ຫວຽດນາມ ແຕ່ວັນທີ 8-10 ມິຖຸນານີ້.
ໃນວັນທີ 8 ມິຖຸນານີ້, ທີ່ເຮືອນຮັບແຂກລັດຖະບານ ແຫ່ງ ສສ.ຫວຽດນາມ, ສະຫາຍ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ
ແຫ່ງ ສປປ ລາວ ໄດ້ຮັບການຕ້ອນຮັບຈາກ ສະຫາຍ ຟ້າມ ບິ່ງ ມິງ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສສ.ຫວຽດນາມຢ່າງອົບອຸ່ນ, ສະໜິດສະໜົມ ແລະ ສົມກຽດ. ຈາກນັ້ນ, ລັດຖະມົນຕີຕ່າງປະເທດທັງສອງໄດ້ນຳພາຄະນະຜູ້ແທນຂອງກະຊວງການຕ່າງປະເທດຂອງສອງປະເທດດຳເນີນການພົບປະສອງຝ່າຍ.
ໃນການພົບປະຄັ້ງນີ້,
ສະຫາຍ ຟ້າມ ບິ່ງ ມິງ
ໄດ້ສະແດງຄວາມຊົມເຊີຍອັນອົບອຸ່ນຕໍ່ສະຫາຍ ສະເຫຼີມໄຊ ກົມມະສິດ ທີ່ໄດ້ຮັບການເລືອກຕັ້ງ
ດຳລົງຕຳແໜ່ງເປັນລັດຖະມົນຕີກະຊວງການຕ່າງປະ ເທດ ແຫ່ງ ສປປ ລາວຜູ້ໃໝ່ ເຊິ່ງສະແດງໃຫ້ເຫັນເຖິງຄວາມເຊື່ອໝັ້ນຂອງການນໍາ
ພັກ-ລັດ ກໍຄື ປະຊາຊົນລາວ. ສະຫາຍ ສະເຫຼີມໄຊ ກົມມະສິດ
ໄດ້ສະແດງຄວາມປິຕິຊົມຊື່ນເປັນຢ່າງຍິ່ງ
ແລະຮູ້ສຶກເປັນກຽດທີ່ໄດ້ນຳພາຄະນະຜູ້ແທນຂັ້ນສູງກະຊວງການຕ່າງປະເທດ ເດີນທາງຢ້ຽມຢາມ
ສສ.ຫວຽດ ນາມ ຢ່າງເປັນທາງການ ພາຍຫລັງທີ່ໄດ້ຮັບຕຳແໜ່ງເມື່ອບໍ່ດົນມານີ້.ການຢ້ຽມຢາມຄັ້ງນີ້ກໍ່ເພື່ອເປັນການປະກອບສ່ວນອັນສຳຄັນເຂົ້າໃນການເພີ່ມທະວີສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດ ນາມ
ໂດຍສະເພາະກໍ່ແມ່ນລະຫວ່າງສອງກະຊວງການຕ່າງປະເທດລາວ ແລະຫວຽດນາມທີ່ມີມູນ ເຊື້ອອັນດີງາມນັ້ນໃຫ້ນັບມື້ມີຄວາມແໜ້ນແຟ້ນ, ຈະເລີນງອກງາມ ແລະ ແຕກດອກອອກຜົນຍິ່ງໆຂຶ້ນ.
ໃນການພົບປະຄັ້ງນີ້, ສອງຝ່າຍເຫັນເປັນເອກະພາບກັນຕີລາຄາສູງຕໍ່ການພົວພັນຮ່ວມມືສອງຝ່າຍໃນໄລຍະຜ່ານມາໄດ້ມີໝາກຜົນດີຢ່າງໜ້າເພິ່ງພໍໃຈ.ເຖິງແມ່ນວ່າສະພາບການສາກົນ
ແລະ ພາກພື້ນມີຄວາມສັບສົນ,
ສະພາບພາຍໃນມີຄວາມຫຍຸ້ງຍາກ
ແຕ່ການພົວພັນມິດຕະພາບອັນເປັນມູນເຊື້ອຄວາມສາມັກຄີພິເສດ ແລະ
ການຮ່ວມມືຮອບດ້ານຂອງສອງປະເທດຍັງສືບຕໍ່ໄດ້ຮັບການເສີມຂະ ຫຍາຍຢ່າງບໍ່ຢຸດຢັ້ງເຂົ້າສູ່ລວງກວ້າງ
ແລະ ລົງເລິກໃນທຸກຂົງເຂດ ເປັນຕົ້ນແມ່ນ: ດ້ານການເມືອງ, ການປ້ອງກັນຊາດ,
ການປ້ອງກັນຄວາມສະຫງົບ, ເສດຖະກິດ,
ວັດທະນະທຳ-ສັງຄົມ ແລະ ວຽກງານການຕ່າງປະເທດ. ພ້ອມດຽວກັນນັ້ນ, ໂດຍສືບຕໍ່ການຕົກລົງເຫັນດີຮ່ວມກັນຂອງການນຳຂອງສອງປະເທດ, ສອງຝ່າຍເຫັນດີຈະຈັດກິດຈະກໍາຕ່າງໆຮ່ວມກັນ
ເພື່ອສະເຫຼີມສະຫລອງວັນສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 55 ປີ ແລະ 40 ປີ
ວັນເຊັນສົນທິສັນຍາມິດຕະພາບ ແລະ ການຮ່ວມມື ລາວ-ຫວຽດນາມ ໃນປີ 2017 ນີ້, ສືບຕໍ່ຮັດແໜ້ນການຮ່ວມມືໃຫ້ການສະໜັບສະໜູນ
ແລະ ຊ່ວຍເຫລືອ ຊຶ່ງກັນ ແລະ ກັນ ໃນເວທີພາກພື້ນ ແລະ ສາກົນ, ຍິນດີທີ່ຈະສືບຕໍ່ຮ່ວມມື ແລະ
ປະສານງານກັນຢ່າງໃກ້ຊິດຄືດັ່ງທີ່ເຄີຍປະຕິບັດຜ່ານມາ ໂດຍສະເພາະແມ່ນການຊ່ວຍເຫຼືອ ແລະ
ສະໜັບສະໜູນການເປັນປະທານອາຊຽນຂອງ ສປປ ລາວ ໃນປີ 2016 ນີ້. ນອກນັ້ນ,
ສອງຝ່າຍຍິນດີສືບຕໍ່ຈັດຕັ້ງປະຕິບັດຢ່າງມີປະສິດທິຜົນ
ບັນດາຂໍ້ຕົກລົງຮ່ວມມື ລະຫວ່າງສອງກະຊວງຕ່າງປະເທດ ໄລຍະ 2014-2020 ແລະ ບັນດາບົດບັນທຶກຮ່ວມມື ລະຫວ່າງ ບັນດາກົມນຳກັນ, ທັງໄດ້ກໍານົດທິດທາງ ແລະ ແຜນການຮ່ວມມືໃນຕໍ່ໜ້າລວມທັງການແລກປ່ຽນຄໍາຄິດຄໍາເຫັນຕໍ່ບັນຫາພາກພື້ນ
ແລະ ສາກົນທີ່ສອງຝ່າຍມີຄວາມສົນໃຈຮ່ວມກັນ.
ໃນໂອກາດຢ້ຽມຢາມ ສສ. ຫວຽດນາມ ຄັ້ງນີ້,
ສະຫາຍສະເຫຼີມໄຊ ກົມມະສິດ ໄດ້ເຂົ້າຢ້ຽມຄຳນັບ ສະຫາຍ ເຈິນ
ດ້າຍ ກວາງ,
ປະທານປະເທດ ແຫ່ງ ສສ.ຫວຽດນາມ ແລະ ສະຫາຍ ຫງຽວນ ຊວນ ຟຸກ, ນາຍົກລັດຖະມົນຕີ ແຫ່ງ ສສ.ຫວຽດນາມ.
ໄດ້ຢ້ຽມຢາມສະຖານທີ່ທ່ອງທ່ຽວທາງທຳມະຊາດ ຮ່າລອງເບ ທີ່ສວຍສົດງົດງາມ ແລະ
ພື້ນຖານການພັດທະນາ ເສດຖະກິດ-ສັງຄົມ ຂອງ ສສ.ຫວຽດນາມ ຈຳນວນໜຶ່ງ.
No comments:
Post a Comment