ເຈົ້າໜ້າທີ່ຈະລາຈອນ ແຂວງຈຳປາສັກ
ລາຍງານວ່າ: ເຊົ້າຂອງວັນທີ 23 ສິງຫານີ້,
ຢູ່ເສັ້ນທາງເລກທີ 13 ໃຕ້, ເຂດບ້ານຊ້ອນຄາກ,
ເມືອງຊະນະສົມບູນ, ແຂວງຈຳປາສັກ, ໄດ້ມີລົດເມໂດຍ ສານວຽງຈັນ-ເຊກອງ ໝາຍເລກທະບຽນ ບກ 0553 ຈຳປາສັກ, ພິກປິ້ນອອກຈາກເສັ້ນທາງຫລາຍກວ່າ 10 ແມັດ, ສົ່ງຜົນໃຫ້ຜູ້ໂດຍສານທີ່ນັ່ງມາໃນລົດຄັນດັ່ງກ່າວທັງໝົດ
23 ຄົນ, ໃນນັ້ນ ເສຍຊີວິດ 3 ຄົນຄື: ທ້າວ ນິດ, ອາຍຸ 24 ປີ, ຢູ່ບ້ານນາລ້ອງ, ເມືອງຫາດຊາຍຟອງ ນະຄອນ ຫລວງວຽງຈັນ, ທ້າວ ທອງດຳ,
ອາຍຸ 50 ປີ, ຢູ່ບ້ານໜອງສີມ, ເມືອງບາຈຽງຈະເລີນສຸກ, ແຂວງຈຳປາສັກ ແລະ ທ້າວ
ສຸຂະ ອາຍຸ 65 ປີ, ຢູ່ບ້ານເດື່ອ, ເມືອງຊະນະສົມບູນ
ແຂວງຈຳປາສັກ, ມີ 1 ຄົນໄດ້ຮັບບາດ ເຈັບສາຫັດ ແລະ 20
ຄົນແມ່ນໄດ້ຮັບບາດເຈັບເລັກນ້ອຍ.
ຜ່ານການສືບສວນ-ສອບສວນເຈົ້າໜ້າທີ່
ໃຫ້ຮູ້ວ່າ: ລົດໂດຍສານຄັນດັ່ງກ່າວ ໄດ້ແລ່ນມາແຕ່ນະຄອນຫລວງ
ວຽງຈັນ ມຸ້ງໜ້າໄປແຂວງເຊກອງ
ພໍມາຮອດຈຸດເກີດເຫດ ເກີດເສຍຫລັກ ພິກປິ້ນລົງຂ້າງທາງດ້ວຍຄວາມແຮງ, ຊຶ່ງສາເຫດແມ່ນຍ້ອນສະພາບເຕັກນິກຂອງລົດບໍ່ຮັບປະກັນບວກໃສ່ກັບຄວາມໄວຂອງລົດຈຶ່ງເຮັດໃຫ້ລົດພິກປິ້ນຄືດັ່ງກ່າວ,
ສ່ວນຜູ້ຂັບຂີ່ລົດໂດຍສານແມ່ນຖືກເຈົ້າໜ້າທີ່ກັກຕົວໄວ້ເພື່ອດຳເນີນຄະດີຕາມ
ລະບຽບກົດໝາຍ.
No comments:
Post a Comment