ແຫລ່ງຂ່າວ
ຂປລ ລາຍງານໃຫ້ຮູ້ວ່າ: ໃນປີ 2016 ນີ້, ລາວເຮົາສາມາດສົ່ງອອກເຂົ້າໄປຕ່າງປະເທດ, ໂດຍສະເພາະ ຕະຫລາດເອີຣົບ, ຕະຫລາດຈີນ ແລະ
ອື່ນໆ ໄດ້ 21 ພັນໂຕນ,
ເຖິງວ່າການຜະລິດຜ່ານມາຈະໄດ້ຮັບຜົນກະທົບບໍ່ໜ້ອຍຈາກສະພາບດີນຟ້າອາກາດເຊັ່ນຝົນຕົກຫລ້າຊ້າ.
ທ່ານ ລຽນ
ທິແກ້ວ ລັດຖະມົນຕີກະຊວງກະສິກຳ ແລະ ປ່າໄມ້
ໄດ້ໃຫ້ສຳພາດໃນກອງປະຊຸມລັດຖະບານເປີດກວ້າງປະຈຳປີ 2015-2016 ນີ້ວ່າ: ຄາດວ່າປີ 2017
ທີ່ຈະເຖິງນີ້ ລາວຈະສາມາດສົ່ງອອກເຂົ້າໄປຕ່າງປະເທດໄດ້ຫລາຍຂຶ້ນ, ໂດຍຈະສືບຕໍ່ກະຕຸກຊຸກຍູ້ການຜະລິດປຸງແຕ່ງທີ່ທັນສະໄໝ
ຕາມມາດຖານກະສິກຳສະອາດ ແລະ ສ້າງມາດຖານໂຮງສີເຂົ້າຕາມລະບົບສາກົນ, ໃຫ້ສາມາດສ້າງເຄື່ອງໝາຍການຄ້າໃຫ້ເຂົ້າລາວ
ເປັນທີ່ຍອມຮັບຂອງສາກົນ ເພື່ອສົ່ງເສີມການສົ່ງອອກກັບທີ່ ແລະ
ສົ່ງອອກໄປຕ່າງປະເທດໂດຍກົງໃຫ້ມີປະສິດທິພາບຍົກສູງປະສິດທິຜົນຂອງການນຳໃຊ້ທຶນ ໂດຍການປະຕິບັດລະບຽບກົດໝາຍ, ວິໄນແຜນການ - ການເງິນຢ່າງເຂັ້ມງວດ.
ສຳລັບປີ
2016 ນີ້ ລາວ ສາມາດຜະລິດເຂົ້າໄດ້ທັງໝົດຈຳນວນ 4 ລ້ານກວ່າໂຕນ ໃນເນື້ອທີ່ຜະ
ລິດເຂົ້າທັງໝົດ ເກືອບ 1 ລ້ານເຮັກຕາ.
No comments:
Post a Comment