ວັນທີ 13-14 ທັນວານີ້, ທີ່ສຳນັກງານນາຍົກລັດຖະມົນຕີ, ໄດ້ຈັດກອງປະຊຸມລັດຖະບານເປີດກວ້າງປະຈຳສົກປີ 2015-2016, ພາຍໃຕ້ການເປັນປະທານຂອງທ່ານ ທອງລຸນ ສີສຸລິດ ນາ ຍົກລັດຖະມົນຕີ, ມີຄະນະລັດຖະບານ, ບັນດາເຈົ້າແຂວງ ແລະ ເຈົ້າຄອງນະຄອນຫລວງວຽງຈັນເຂົ້າຮ່ວມຢ່າງພ້ອມພຽງ.
ກອງປະຊຸມໄດ້ຮັບຟັງການລາຍງານກ່ຽວກັບການສະຫລຸບ
ຕີລາຄາໂດຍສັງເຂບຂອງການຈັດ ຕັ້ງປະຕິບັດແຜນພັດທະນາເສດຖະກິດ-ສັງຄົມໃນ 1 ປີ ຜ່ານມາ, ຮ່າງຄຳສັ່ງວ່າດ້ວຍແຜນພັດທະ ນາເສດຖະກິດ-ສັງຄົມ, ແຜນການເງິນ ແລະ ແຜນເງິນຕາປະຈຳປີ 2017, ການສະຫລຸບສັງລວມໜີ້ສິນບັນດາໂຄງການລົງທຶນຂອງລັດ ຈາກທ່ານ
ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງ
ການເງິນ ແລະ ທ່ານ ສຸພັນ ແກ້ວມີໄຊ
ລັດຖະມົນຕີກະຊວງແຜນການ ແລະ ການລົງທຶນ ໄດ້ລາຍງານ ແຜນ ເງິນຕານັບແຕ່ 2017-2020, ສະຫລຸບສະພາບພົ້ນເດັ່ນການຈັດຕັ້ງປະຕິບັດແຜນ ເງິນຕາ 10
ເດືອນຕົ້ນສົກປີ 2015-2016,
ແຜນການຮອດທ້າຍປີ 2016 ແລະ ແຜນ ເງິນຕາປີ 2017
ຈາກຜູ້ວ່າການທະນາຄານແຫ່ງ ສປປລາວ, ພ້ອມທັງໄດ້ຮັບຟັງການ
ລາຍງານກ່ຽວກັບການປັບປຸງກົນໄກປະສານງານລະຫວ່າງບັນດາກະຊວງ-ອົງການທ້ອງຖິ່ນ ແລະ
ສຳນັກງານນາຍົກລັດ ຖະມົນຕີ,
ຮ່າງລັດຖະບັນຍັດວ່າດ້ວຍການກຳນົດອັດຕາຄ່າທຳ ນຽມທາງ, ສະຫລຸບຕີລາຄາການສ້າງ, ປັບປຸງກົດໜາຍ ແລະ ນິຕິກຳລຸ່ມກົດໜາຍຂອງບັນ ດາຂະແໜງການ, ການປະເມີນການຈັດຕັ້ງປະ ຕິບັດກົດໜາຍ ແລະ ນິຕິກຳລຸ່ມກົດໜາຍໃນ
ໄລຍະຜ່ານມາ ແລະ ແຜນການໃນ 5 ປີຕໍ່ໜ້າ, ສະຫລຸບຕີລາຄາ ແລະ ຖອດຖອນບົດ ຮຽນກ່ຽວກັບການເຄື່ອນໄຫວວຽກງານຂອງຄະນະລັດຖະບານຊຸດທີ
8 ເລີ່ມແຕ່ເດືອນເມສາ 2016 ເປັນຕົ້ນມາ.
No comments:
Post a Comment