ໃນໂອກາດທີ່ທ່ານນາຍົກລັດຖະມົນຕີ ແຫ່ງ ສປປ
ລາວ ພ້ອມຄະນະ ເຄື່ອນໄຫວ ແລະ ເຮັດວຽກທີ່ ສປ
ຈີນ ຢ່າງເປັນທາງການ ວັນທີ
1 ທັນວາ 2016 ທ່ານ ທອງລຸນ ສີສຸລິດ ນາຍົກລັດຖະມົນຕີ
ແຫ່ງ ສປປ
ລາວ ແລະ ຄະນະ ຍັງໄດ້ໄປຢ້ຽມຢາມ ບໍລິສັດ
ຫົວເຫວີຍ ຢູ່ນະຄອນຫວງປັກກິ່ງ ປະເທດຈີນ.
ໃນໄລຍະການພົບປະ ແລະ ການຢ້ຽມຢາມຂອງທ່ານນາຍົກລັດຖະມົນຕີ ທ່ານຍັງໄດ້ໂອ້ລົມກັບພະນັກງານຫົວເຫວີຍປະຈຳລາວ ໂດຍຜ່ານການປະຊຸມວີດີໂອທາງໄກ
(Video
Conference). ພ້ອມກັນນັ້ນ ເພິ່ນຍັງໄດ້ພົບປະໂອ້ລົມກັບນັກສຶກສາ Seeds for the future ເຊິ່ງແມ່ນການອຸປະຖຳໂດຍບໍລິສັດຫົວເຫວີຍທີ່ກຳລັງທັດສະນະສຶກສາຢູ່ນະຄອນຫລວງປັກກິ່ງ.
ໃນໂອກາດນີ້, ທ່ານນາຍົກລັດຖະມົນຕີ ໄດ້ຕີລາຄາສູງທີ່ບໍລິສັດຫົວເຫວີຍໄດ້ໃຫ້ການສະໜັບສະໜູນທາງດ້ານໄອຊີທີແກ່ ສປປ
ລາວ ແລະ ໄດ້ຍ້ອງຍໍຊົມເຊີຍບໍລິສັດ ຫົວເຫວີຍ ທີ່ໄດ້ໃຫ້ການຊ່ວຍເຫລືອສັງຄົມ ແລະ ການລົງທຶນຢູ່ປະເທດລາວຢ່າງຕໍ່ເນື່ອງ.
No comments:
Post a Comment