ໃນວັນທີ 10 ທັນວານີ້
, ຮ້ານຂາຍຄໍາສີດາ
ລາດຊະວົງຢູ່ຕະຫລາດເຊົ້າຊອບປິງມໍ, ໄດ້ຈັດພິທີຈັບສະຫລາກມອບໂຊກໃຫ້ລູກຄ້າລວມມີມູນຄ່າຫລາຍກວ່າ
300 ລ້ານກີບ, ໃນນັ້ນມີ: ລາງວັນທີ 1
ແມ່ນລົດຈັກຮອນດາເອັມເອສເອກ (Honda MSX) ມູນຄ່າ 20
ລ້ານກີບຜູ້ໂຊກດີໄດ້ແກ່ນາງ ນິດ ສີວິໄລ ຢູ່ບ້ານນ້ອຍຊຽງດາ, ເມືອງໄຊເສດຖາ,
ລາງວັນທີ 2 ລົດຈັກຮອນດາເວບ 100 (Honda Wave 100)
ຜູ້ໂຊກດີໄດ້ແກ່ທ້າວ ຄໍາຕັນ ປັນຍາສັກ ຢູ່ບ້ານວຽງຈະເລີນ, ເມືອງໄຊເສດຖາ,
ນະ ຄອນຫລວງວຽງຈັນ ແລະ
ນອກຈາກນີ້ຍັງມີຜູ້ໂຊກດີອີກຫລາຍໆຄົນທີ່ໄດ້ຮັບລາງວັນໂທລະພາບຂະໜາດ 43 ນີ້ວຈໍານວນ 5
ໜ່ວຍ, ຕູູ້ເຢັນໂຕຊິບາຂະໜາດ 6,1 ຄິວ 10 ໜ່ວຍ, ໝໍ້ຫຸງເຂົ້າ 30 ໜ່ວຍ ແລະ ອື່ນໆ.
ເຈົ້າຂອງຮ້ານຄໍາດັ່ງກ່າວ ໃຫ້ຮູ້ວ່າ: ການຈັບສະຫລາກແຈກໂຊກຄັ້ງນີ້, ກໍເພື່ອເປັນການຄືນກໍາໄລໃຫ້ລູກຄ້າທີ່ຊື່ຄໍາຮູບປະພັນຢູ່ຮ້ານຂອງຕົນ,
ທັງເປັນການມອບໂຊກໃຫຍ່ໃນໂອກາດສົ່ງທ້າຍປີເກົ່າ 2016 ແລະ ຕ້ອນຮັບປີໃໝ່
2017 ທີ່ຈະໄດ້ໝູນວຽນມາອີກວາລະໜຶ່ງໃຫ້ມີບັນຍາກາດຟົດຟື້ນມ່ວນຊື່ນ.
No comments:
Post a Comment