ກົມຄຸ້ມຄອງສະຖາບັນການເງິນ ທະນາຄານແຫ່ງ ສປປ ລາວ ( ທຫລ ) ຮ່ວມກັບ
ສະຫະພັນສະຫະກອນອາຊີ (ACCU)
ໄດ້ຈັດການຝຶກອົບຮົມໃນຫົວຂໍ້ “ ລະບົບຕິດຕາມຄຸ້ມຄອງສະຫະກອນສິນເຊື່ອ
ແລະເງິນຝາກປະຢັດ ” ພາຍໃຕ້ການສະໜັບສະໜູນຈາກກະຊວງການຕ່າງປະເທດ
ແລະການຄ້າ ອົດສະຕາລີ ແລະກອງທຶນເພື່ອການພັດທະນາຂອງອົງການສະຫະປະຊາຊາດ ເຊິ່ງໄດ້ສຳ
ເລັດລົງໃນວັນທີ 7 ກຸມພາ 2017 ນີ້ດຳເນີນມາເປັນເວລາ 2
ວັນຢູ່ນະຄອນຫລວງວຽງຈັນໂດຍການເຂົ້າຮ່ວມຂອງທ່ານ
ອາຄົມ ປຣະເສີດ ຫົວໜ້າກົມຄຸ້ມຄອງສະຖາບັນການເງິນ, ທ່ານ
ນາງ ເລນີ ຜູ້ອໍານວຍການໃຫຍ່
ສະຫະພັນສະຫະ ກອນອາຊີ, ທ່ານ
ຣັນຈິດ ເຮັດຕາຣາຈິ
ຫົວໜ້າໂຄງການສະຫະພັນສະຫະກອນອາຊີທີ່ປະເທດມຽນມ້າ, ພ້ອມນີ້
ກໍມີພະນັກງານຈາກກົມຄອງສະຖາບັນການເງິນ ແລະ ທຫລ ປະຈໍາພາກເຂົ້າຮ່ວມເປັນຈຳນວນຫລາຍ.
ການຝຶກອົບຮົມໃນໄດ້ຍົກໃຫ້ເຫັນຄວາມແຕກຕ່າງລະຫວ່າງຫຼັກການຄຸ້ມຄອງສະຫະຫະກອນ(
PEARLS )ແລະ CAMEL ໄດ້ລົງເລິກລາຍລະອຽດຂອງແຕ່ລະອັດຕາສ່ວນຂອງອັກສອນແຕ່ລະໂຕ
ເຫັນໄດ້ຈຸດປະສົງ PEARLS ເປັນສິ່ງສໍາຄັນໃນການຄຸ້ມຄອງກວດການການເຮັດວຽກຂອງສະຫະກອນສິນເຊື່ອ,
ເນື່ອງຈາກວ່າ
ໄດ້ຖືກອອກແບບມາເປັນເຄື່ອງມືໃນການຮັບໃຊ້ການບໍລິຫານວຽກຂອງສະຫະ ກອນສະເພາະ; ພ້ອມທັງຊີ້ໃຫ້ເຫັນບັນຫາ ແລະສາມາດແກ້ໄຂບັນຫາໃຫ້ຖືກຈຸດຕົວຢ່າງ PEARLS
ສາມາດກໍານົດ ໃຫ້ເຫັນການເພີ້ມຂຶ້ນ ແລະຫຼຸດລົງຂອງຮຸ້ນ
ແລະຍັງສາມາດບອກເຖິງສາເຫດທີ່ອາດຈະເປັນໄປໄດ້ຂອງຄວາມອ່ອນໄຫວໄດ້ເຊັ່ນ:
ມີລາຍຮັບລວມທີ່ບໍ່ພຽງພໍ, ມີຄ່າໃຊ້ຈ່າຍໃນການດໍາເນີນການທີ່ສູງເກີນໄປ
ຫຼື ມີໜີ້ເສຍເປັນຈໍານວນຫຼາຍ ແລະ ອື່ນໆ.
ຜ່ານມາເຄື່ອງມືໃນການຄຸ້ມຄອງສະຫະກອນຂອງ ສປປ ລາວ
ມີຂໍ້ກໍານົດ ເລກທີ 03/ທຫລ,
ລົງວັນທີ 20 ມິຖຸນາ 2008 ແລະເຄື່ອງໃນການວິເຄາະ-ກວດກາສະຫະກອນ
ແມ່ນໄດ້ໃຊ້ຫຼັກການ CAMEL ວິເຄາະອັດຕາສ່ວນຕ່າງໆໃຊ້ເຂົ້າໃນການຄຸ້ມຄອງ, ເມື່ອທຽບໃສ່ບົດຮຽນຂອງບັນດາປະເທດໃນອາຊີ
ເຫັນໄດ້ວ່າຫຼັກການ CAMEL ນີ້ໃຊ້ກັບບັນດາທະນາຄານທຸລະກິດ
ແລະສະຖາບັນການເງິນໃຫຍ່, ສໍາລັບສະຫະກອນແມ່ນບໍ່ເໝາະສົມ
ເນື່ອງຈາກວ່າຫຼັກການ CAMEL ໄດ້ວິເຄາະອັດຕາສ່ວນຕ່າງໆໃຫ້ໄດ້ຜົນກໍາໄລສູງສຸດ
ເຊິ່ງໃນບັນດາປະເທດໃນອາຊີ ໄດ້ໃຊ້ PEARLS ເປັນສິ່ງທີ່ສໍາຄັນໃນການຄຸ້ມຄອງກວດກາການເຮັດວຽກຂອງສະຫະກອນສິນເຊື່ອ
ເນື່ອງຈາກວ່າໄດ້ຖືກອອກແບບມາເປັນເຄື່ອງມືໃນການຮັບໃຊ້ການບໍລິຫານວຽກຂອງສະຫະກອນສະເພາະ
ພ້ອມທັງຊີ້ໃຫ້ເຫັນບັນຫາ ແລະສາມາດແກ້ໄຂບັນຫາໃຫ້ຖືກຈຸດ.
ປະຈຸບັນ ສປປ ລາວ ມີເສດຖະກິດກຳລັງມີການຂະຫຍາຍຕົວ, ວຽກງານຂອງສະຫະກອນກໍເປັນວຽກງານໜຶ່ງທີ່ພັກ ແລະລັດ ຖະບານ
ໄດ້ເອົາໃຈໃສ່ໃຫ້ຄວາມສຳຄັນເປັນພິເສດ ໂດຍການວາງນະໂຍບາຍສະເພາະ
ແນໃສ່ເພື່ອສ້າງເງື່ອນໄຂທີ່ເອື້ອອຳນວຍດ້ານຕ່າງໆ
ເພື່ອສົ່ງເສີມໃຫ້ແກ່ການສ້າງຕັ້ງໃຫ້ມີການຂະຫຍາຍຕົວ, ມີຄວາມຍືນຍົງ
ແລະຮັບປະກັນໄດ້ຄວາມປອດໄພຂອງສະມາຊິກ, ເປົ້າຫມາຍເພື່ອສ້າງໃຫ້ເປັນເຄື່ອງມືໜຶ່ງໃນການປະຕິບັດແຜນການຫຼຸດຜອ່ນຄວາມທຸກຍາກ
ປະກອບສ່ວນເຂົ້າໃນການພັດທະນາເສດຖະກິດສັງຄົມ
ເຮັດໃຫ້ປະຊາຊົນສາມາດເຂົ້າເຖິງແຫຼ່ງທຶນກໍຄືການບໍລິການການເງິນທີ່ສະດວກດີຫຂຶ້ນ.
# ຂ່າວ-ພາບ:
ຣັດສະໝີ ດວງສັດຈະ
No comments:
Post a Comment