ສະພາບອຸປະຕິເຫດເກີດຂຶ້ນໄລຍະປີໃໝ່ຮ້າຍແຮງກວ່າຫຼາຍປີຜ່ານມາ

                ທ່ານ ພັນເອກ ຄຳຖະຫວາຍ ເພັດອຸໄທ ຫົວໜ້າກົມຕຳຫຼວດ ຈະລາ ຈອນ ໄດ້ແຈ້ງຕໍ່ກອງປະຊຸມຖອດຖອນບົດຮຽນວຽກງານປ້ອງກັນໃນໄລຍະປີໃໝ່ ທີ່ຈັດຂຶ້ນໃນວັນທີ 23 ເມສານີ້ວ່າ: ການຫຼິ້ນບຸນປີໃໝ່ລາວຜ່ານມານີ້ເຫັນວ່າມີການ ລ່ວງລະເມີດລະບຽບ ແລະ ຂໍ້ຫ້າມຕ່າງໆຂອງເຈົ້າໜ້າທີ່ເປັນຕົ້ນແມ່ນການຫົດນ້ຳ ຕາມແຄມທາງ ແລະ ມີການດື່ມສິ່ງມຶນເມົາ ຊຶ່ງເປັນສາເຫດພາໃຫ້ເກີດອຸປະຕິເຫດ ຕາມທ້ອງຖະໜົນຄື: ນັບແຕ່ວັນທີ 13 ຫາ 17 ເມສານີ້ ທົ່ວປະເທດມີອຸປະ ຕິເຫດ ເກີດຂຶ້ນ 238 ກໍລະນີສົ່ງຜົນໃຫ້ມີຜົວເສຍຊີວິດ 27 ຄົນ, ທຽບໃສ່ໄລຍະດຽວກັນ ຂອງປີຜ່ານມາມີຈຳນວນເພີ່ມຂຶ້ນໂດຍສະເພາະ ແມ່ນລົດຕຳຄົນທີ່ຫົດ ນ້ຳແຄມ ທາງ, ມີຜູ້ເສຍຊີວິດ 4 ຄົນ ແລະ ອື່ນໆ, ສາເຫດສ່ວນ ໃຫຍ່ແມ່ນດື່ມສິ່ງມຶນເມົາແລ້ວ ຂັບຂີ່ ລົດ 38,79%, ຂັບຂີ່ລົດໄວ ເກີນກຳນົດ 27,29%, ລ້ຽວບໍ່ຮັບປະກັນຄວາມປອດໄພ 18,39%, ແຊງບໍ່ຮັບປະກັນ 9,19% ແລະ ບໍ່ປ່ອຍສິດ 6,32%.

    ທ່ານ ພັນເອກ ຄຳຖະຫວາຍ ເພັດອຸໄທ ກ່າວວ່າ: ກ່ອນການ ຈັດຕັ້ງປະຕິບັດວຽກງານປ້ອງກັນກົມຕຳຫຼວດຈະລາຈອນ

ໃນ​ສົກ​ໜ້າ 7 ​ແຂວງ​ມີ​ຄວາມ​ຕ້ອງການ​ຂຸດ​ຄົ້ນ​ໄມ້​ຫລາຍ​ກວ່າ​ແສນ​ແມັດ​ກ້ອນ

    ກະຊວງ​ກະສິກຳ-ປ່າ​ໄມ້ ​ໃຫ້​ຮູ້​ວ່າ: ຜ່ານການ​ສັງ​ລວມ​ແຜນ ການ ​ແລະ ຄວາມ​ຕ້ອງການ​ກ່ຽວ​ກັບ​ການ​ຂຸດ​ຄົ້ນ​ໄມ້​ສຳລັບ 7 ​ແຂວງ ປະກອບ​ມີ​ແຂວງ​ຜົ້ງ ສາລີ, ບໍ່​ແກ້ວ, ຫົວພັນ, ຫລວງ​ພະ​ບາງ, ​ໄຊ​ຍະ​ບູລີ, ວຽງ​ຈັນ ແລະ ຈຳປາ​ສັກ ​ໃນ​ສົກ​ປີໜ້າ (2014-2015) ມີ​ເຖິງ 106.000 ແມັດ​ກ້ອນ.

      ທ່ານ ວິ​ໄລ​ວັນ ພົມ​ເຂ ລັດ ຖະມົນຕີ​ວ່າການ​ກະຊວງ​ກະສິ ກຳ-ປ່າ​ໄມ້ ລາຍ​ງານ​ຕໍ່​ກອງ​ປະ ຊຸມ​ເປີດ​ກວ້າງ​ລັດຖະບານ​ປີ 2014 ​ໂດຍ​ຊີ້​ໃຫ້​ເຫັນ​ກ່ຽວ​ກັບ​ແຜນ​ຂໍ​ອະນຸມັດ​ຂຸດ​ຄົ້ນ​ໄມ້ ປະຈຳ​ສົກ​ປີ 2014-2015 ຈາກ​ເຂດ​ກໍ່ ສ້າງ​ພື້ນຖານ​ໂຄງ​ລ່າງ, ​ເຂດ​ບຸກ​ເບີກ​ເນື້ອທີ່​ປູກ​ໄມ້, ພືດ​ກະສິກຳ ແລະ ​ເຂດ​ເນື້ອທີ່​ການ​ຜະລິດ​ຂອງ​ປະຊາຊົນ​ໃນ 7 ​ແຂວງ ລວມທັງ​ໝົດ 105.940 ກວ່າ​ແມັດ​ກ້ອນ, ​ໃນ​ນັ້ນ ຫລາຍ​ກວ່າ​ໝູ່​ແມ່ນ​ແຂວງ​ຫລວງ​ພະ​ບາງ 50 ພັນ​ແມັດ​ກ້ອນ, ​ແຂວງ​ຈຳປາ​ສັກ 32 ພັນ​ແມັດ​ກ້ອນ, ຫົວ ພັນ 20 ພັນ​ແມັດ​ກ້ອນ, ບໍ່​ແກ້ວ 1.231 ແມັດ​ກ້ອນ, ​ໄຊ​ຍະ​ບູລີ 1.106 ແມັດ​ກ້ອນ, ວຽງ​ຈັນ 1.066 ​ແມັດ​ກ້ອນ ​ແລະ ຜົ້ງສາ ລີ 400 ​ແມັດ​ກ້ອນ. ສຳລັບ​ແຜນ​ຂຸດ​ຄົ້ນ​ໄມ້​ໃນ​ທົ່ວ​ປະ​ເທດ ສົກ​ປີ 2013-2014 ມີ​ທັງ​ໝົດ 580.071 ​ແມັດ​ກ້ອນ, ປະຕິບັດ​ໄດ້​ພຽງ 69.888 ​ແມັດ​ກ້ອນ ​ເທົ່າ​ກັບ 12% ຂອງ​ແຜນ ການ. ສ່ວນ​ແຜນ​ຂຸດ​ຄົ້ນ​ໄມ້ 6 ເດືອນ​ຕົ້ນສົກ​ປີ 2013- 2014 ພາຍ ຫລັງ​ທີ່​ລັດຖະບານ​ມີ​ມະຕິ​ໃຫ້​ກະ ຊວງ​ກະສິກຳ ​ແລະ ປ່າ​ໄມ້​ມອບ​ແຜນ​ໃຫ້​ບັນດາ​ແຂວງ ​ແລະ ນະ ຄອນຫລວງ​ວຽງ​ຈັນ​ຈັດຕັ້ງ ປະຕິບັດ​ເລີ່​ມ​ແຕ່​ທ້າຍ​ປີຜ່ານມາ​ຈຳນວນ 133.288 ​ແມັດ​ກ້ອນ ເຊິ່ງລວມມີ​ໄມ້​ໃນ​ເຂດ​ກໍ່ສ້າງ​ພື້ນຖານ​ໂຄງ​

ອາກາດ​ຈະ​ຮ້ອນ​ຂຶ້ນຕື່ມ 1-3 ອົງສາແກ່ຍາວ​ໄປ​ຈົນ​ຮອດ​ທ້າຍ​ເດືອນ

    ກົມ​ອຸຕຸນິຍົມ ​ແລະ ອຸ​ທົກ​ກະສາ​ດ ​ໃຫ້​ຮູ້​ວ່າ: ​ສະພາບ​ອາ ກາດ​ແຕ່​ນີ້​ໄປ​ຈົນ​ຮອດ​ວັນ​ທີ 29 ເມສາ​ທີ່​ຈະ​ເຖິງ​ນີ້ ບໍລິ​ເວນ​ຄວາມ​ກົດ​ດັນ​ຕ່ຳ​ຂອງ​ອາກາດ​ຮ້ອນ​ຈະ​ມີ​ກຳລັງ​ປານ​ກາງ​ປົກ​ຄຸມ​ຢູ່​ທົ່ວ​ທຸກ​ພາກ​ຂອງ​ປະ​ເທດ​ລາວ ສົມ ທົບ​ກັບ​ກະ​ແສ​ລົມ​ຕາ​ເວັນ​ຕົກ ແລະ ຕາ​ເວັນ​ຕົກ​ສຽງ​ໃຕ້​ພັດ​ປົກ​ຄຸມ​ເປັນ​ສ່ວນ​ໃຫຍ່ ເຊິ່ງລັກສະ ນະ​ເຊັ່ນ​ນີ້ຈະ​ເຮັດ​ໃຫ້​ອຸນຫະພູມ​ອາກາດ​ໂດຍ​ທົ່ວ​ໄປ​ຮ້ອນ​ເອົ້າຂຶ້ນ 1-3 ອົງສາ ພ້ອມ​ມີ​ໝອກ​ແຫ້ງ​ປົກ​ຫຸ້ມ​ໃນ​ຕອນ​ກາງ​ເວັນ ​ແລະ ຈະ​ມີ​ຝົນຕົກ​ຟ້າ​ຄະນອງ​ລົມ​ແຮງ​ເປັນ​ບາງ​ໂອກາດ​ຢູ່ບາງ​ທ້ອງ​ຖິ່ນ.

     ຂ່າວ​​ໃຫ້​ຮູ້​ຕື່ມ​ວ່າ: ​ໃນ​ເວລາ​ປະມານ 2 ​ໂມງ ຂອງ​ວັນ​ທີ 24 ເມສາ​ນີ້ ​ໄດ້​ເກີດ​ໄຟ​ໄໝ້​ຕະຫລາດ​ຂາຍ​ສັດ​ຢູ່​ສົ້ນຂົວບ້ານ​ດອນ​ແດງ ​ເມືອງ​ຈັນທະ​ບູລີ ​ເຊິ່ງ​ໄດ້​ຮັບ​ຜົນ​ເສຍ​ຫາຍສົມຄວນ ​ແລະ ​ໃນ​ຕອນ​ບ່າຍ​ຂອງ​ມື້ດຽວ​ກັນ ກໍ​ເກີດ​ໄຟ​ໄໝ້​ປ່າ​ຫຍ້າ​ຢູ່ແຄມ​ຂອງ​ເຂດ​ໂຮງ​ແຮມ​ດອນ​ຈັນ​ພາ​ເລດ ນະຄອນຫລວງ​ວຽງ​ຈັນ. ດັ່ງນັ້ນ ຈຶ່ງ​ໃຫ້​ສັງຄົມ​ເພີ່ມ​ສະຕິ​ລະວັງ​ໃນ​ການ​ຊົມ​ໃຊ້​ຟືນ​ໄຟ ​ເພື່ອ​ຮັບປະ ກັນ​ບໍ່​ໃຫ້​ເກີດ​ອັກຄີ​ໄພ​ຕາມ​ມາ.

ປີ​ໃໝ່​ນີ້ ລາວ​ວາງ​ເປົ້າ​ໃຫ້ການ​ສົ່ງ​ອອກ​ສິນຄ້າ​ເພີ່ມ​ຂຶ້ນ 15%

     ​ແຫ​ລ່ງຂ່າວ​ກະຊວງ​ອຸດສາ ຫະກຳ-ການ​ຄ້າ​ເປີດ​ເຜີຍ​ວ່າ: ສົກ​ປີ​ໃໝ່​ນີ້ ລາວ​ວາງ​ເປົ້າ​ໃຫ້ການ​ສົ່ງ​ອອກ​ສິນຄ້າ​ເພີ່ມ​ຂຶ້ນ 15% ແລະ ສູ້​ຊົນ​ເຮັດ​ໃຫ້​ຜະລິດ​ຕະພັນ​ອຸດ ສາຫະກຳ​ປຸງ​ແຕ່ງ ​ແລະ ຫັດ ຖະກຳ​ຂະຫຍາຍຕົວ​ຢູ່​ໃນ​ລະດັບ 12% ກວມ​ເອົາ 10% ຂອງ​ລວມຍອດ​ຜະລິດ​ຕະພັນ​ພາຍ​ໃນ (GDP) ​ເຮັດ​ໃຫ້​ມູນ​ຄ່າ​ການ​ຈະ ລາຈອນ​ສິນຄ້າ​ຂະຫຍາຍຕົວ​ຢູ່​ໃນ​ລະດັບ 12% ກວມ​ເອົາ 21% ຂອງ GDP.

     ປັດຈຸບັນ ທົ່ວ​ປະ​ເທດ​ມີ​ໂຮງ ງານ​ອຸດສາຫະກຳ ​ແລະ ຫັດຖະ ກຳ​ທັງ​ໝົດ​ຫລາຍ​ກວ່າ 38.000 ແຫ່ງ, ​ໃນ​ນັ້ນຂະໜາດ​ໃຫຍ່​ມີ 454 ຫົວໜ່ວຍ, ກາງ 582 ຫົວ ໜ່ວຍ ​ແລະ ຂະໜາດ​ນ້ອຍ​ມີ​ຫລາຍ​ກວ່າ 9.100 ຫົວໜ່ວຍ, ຂະໜາດ​ນ້ອຍ​ແບບ​ຄອບຄົວ 27.900 ກວ່າ​ຫົວໜ່ວຍ. ປີຜ່ານ ມາ​ນີ້ ຍອດ​ມູນ​ຄ່າ​ການ​ຜະລິດ​ຂອງ​ອຸດສາຫະກຳ​ປຸງ​ແຕ່ງ ​ແລະ ຫັດຖະກຳ​ບັນລຸ​ໄດ້​ຫລາຍ​ກວ່າ 5.000 ຕື້ກີບ ທຽບ​ໃສ່​ສົກ​ປີ 2011-2012 ​ເພີ່ມ​ຂຶ້ນ 10%, ສ່ວນ​ຍອດ​ມູນ​ຄ່າ​ສົ່ງ​ອອກ​ສິນຄ້າ​ບັນລຸ​ໄດ້​ເກືອບ 2 ຕື້​ໂດ​ລາ​ສະຫະລັດ ເພີ່ມ​ຂຶ້ນ 11% ທຽບ​ໃສ່​ສົກ​ປີ 2011-2012.

ເຈົ້າໜ້າ​ທີ່ ປກສ ​ແຂວງ​ອຸດົມ​ໄຊ ຍຶດ​ໄມ້​ຂະ​ຍຸງ​ຫລາຍ​ພັນ​ກິ​ໂລ

     ປກສ ​ແຂວງ​ອຸດົມ​ໄຊ ​ໃຫ້​ຮູ້​ວ່າ: ​ເມື່ອ​ຕົ້ນ​ເດືອນ​ເມສາ​ນີ້, ​ເຈົ້າໜ້າ​ທີ່​ຂອງຕົນ​ໄດ້​ກັກ​ລົດ​ບັນທຸກ 12 ລໍ້​ຄັນ​ໜຶ່ງ ໝາຍ​ເລກ​ທະບຽນ ບຂ 0766 ກຳ​ແພງ​ນະຄອນ ຢູ່​ເຂດ​ເສັ້ນ ທາງ​ເທສະ​ບານ​ແຂວງ, ພາຍຫລັງ​ໄດ້​ຮັບ​ແຈ້ງວ່າ​ລົດ​ຄັນ​ດັ່ງກ່າວ​ມີ​ການ​ລັກ ລອບ​ຂົນ​ໄມ້​ຂະ​ຍຸງ​ເປັນ​ຈຳ ນວນ​ຫລາຍ ​ເຊິ່ງພາຍຫລັງ​ກວດ ຄົ້ນລົດ​ພົບ​ໄມ້​ຂະ​ຍຸງ​ມີ​ບໍລິ​ມາດ​ຫລາຍ​ກວ່າ 8 ພັນ​ກິ​ໂລກຣາມ ຖືກ​ຊຸກ​ເຊື່ອງ​ໄວ້​ຢູ່​ພື້ນລົດ ​ໂດຍ​ມີ​ຊີມັງ​ເປັນ​ຈຳນວນ​ຫລາຍ​ເຕັງ​ທັບ​ໄວ້ ​ເພື່ອ​ຫລົບຫລີກສາຍຕາ​ຂອງ​ເຈົ້າໜ້າ​ທີ່ ຈຶ່ງ​ໄດ້​ກັກ​ຕົວ​ຜູ້​ຂັບ​ລົດ​ຄັນ​ດັ່ງກ່າວ ຄື​ທ້າວ ວັນ​ທອງ ແສງ​ມະນີ ອາຍຸ 34 ປີ ອາຊີບ​ຄ້າ ຂາຍ​ ຢູ່​ບ້ານ​ດອນ​ເງິນ ​ເມືອງ​ງອຍ ​ແຂວງ​ຫລວງ​ພະ​ບາງ ມາ​ດຳ​ເນີນ​ການ​ສອບ​ສວນ ​ແລະ ຮັບ​ສາລະພາບ​ວ່າ: ​ໄມ້​ທັງ​ໝົດ​ແມ່ນ​ເປັນ​ຂອງ​ນາຍທຶນ​ກຸ່ມ​ໜຶ່ງ​ທີ່​ຈ້າງ​ຕົນ​ເອງ​ຂົນ​ໄປ​ສົ່ງ​ແຕ່​ແຂວງ​ຫລວງ​ພະ​ບາງ​ໄປ​ຫາ​ແຂວງ​ຫລວງ​ນ້ຳທາ​ໃນ​ລາຄາ 5 ​ແສນ​ກີບ​ຕໍ່​ 1 ພັນ​ກິ​ໂລ, ​ແຕ່​ພໍ​ຂັບ​ຂີ່​ລົດ​ມາ​ຮອດ​ເມືອງ​ນາ​ໝໍ້​ແຂວງ​ອຸດົມ​ໄຊ ຈຶ່ງ​ຖືກ​ເຈົ້າໜ້າ​ທີ່​ກັກ​ຕົວ​ໄດ້ແຕ່​ເຈົ້າໜ້າ​ທີ່​ໄດ້​ສຶກສາ​ອົບຮົມ​ຜູ້ກ່ຽພ້ອມ​ປັບ​ໄໝ​ກ່ອນ​ປ່ອຍ​ຕົວ​ໄປຍ້ອນ​ເປັນ​ການ​ກະ ທຳ​ຜິດ​ຄັ້ງທຳ​ອິດ ​ແລະ ​ໃຫ້ການ​ຮ່ວມ​ມື​ກັບ​ເຈົ້າໜ້າ​ທີ່​ເປັນ​ຢ່າງ​ດີ, ສ່ວນ​ໄມ້​ທັງ​ໝົດເຈົ້າໜ້າ​ທີ່​ໄດ້​ຢຶດ​ເພື່ອ​ໄວ້​ເປັນ​ຫລັກ​ຖານ​ໃນ​ການ​ດຳ​ເນີນ​ຄະດີ​ກັບ​ເຈົ້າຂອງ​ໄມ້​ຕາມ​ລະບຽບ​ກົດໝາຍ.

ຫລາຍ​ເຂດ​ໃນ​ນະຄອນຫລວງ​ຂາດ​ນ້ຳປະປາ

     ຄື​ດັ່ງ​ຮູ້​ນຳ​ກັນ​ວ່າ: ຫລາຍ​ວັນ​ມານີ້ສະພາບ​ອາກາດ​​ຮ້ອນ​ອົບ​ເອົ້າຜິດ​ປົກກະຕິ ​ເຮັດ​ໃຫ້​ຄວາມ​ຕ້ອງການ​ຊົມ​ໃຊ້​ນ້ຳປະປາ​ຂອງ​ປະຊາຊົນ​ເພີ່ມ​ຂຶ້ນຫລາຍ​ເທົ່າ​ຕົວສົ່ງ​ຜົນ​ໃຫ້​ຫລາຍ​ເຂດ​ຂາດນ້ຳປະປາ​ເຊັ່ນ: ​ເຂດ​ໂຮງໝໍ 150 ຕຽງ, ຈອມ​ມະນີ, ສີວິ​ໄລ, ຄຳ​ຮຸ່ງ, ສາຍ​ນ້ຳ​ເງິນ, ຫວຍ​ຫົງ ​ແລະ ​ເຂດ​ອື່ນໆ ສົ່ງ​ຜົນກະທົບ​ຕໍ່​ການ​ດຳລົງ​ຊີວິດ​ຂອງ​ປະຊາຊົນ​ເປັນ​ຢ່າງ​ໜັກ ​ເຊິ່ງຕໍ່​ບັນຫາ​ນີ້ ​ລັດ​ວິ​ສາ​ຫະກິດ​ນ້ຳປະປາ​ຊີ້​ແຈງ​ວ່າ: ​ໃນ​ຕົວ​ຈິງ​ແລ້ວ​ການ​ສະໜອງ​ນ້ຳປະປາ​ຂອງ​ນະຄອນຫລວງ​ວຽງ​ຈັນ​ປະຕິບັດ​ໄດ້​ພຽງ 180.000 ແມັດ​ກ້ອນ​ຕໍ່​ມື້ ​ເທົ່າ​ກັບ​ປະມານ 50% ຂອງ​ຄວາມ​ຕ້ອງການ​ເທົ່າ​ນັ້ນ ​​ເມື່ອ​ເປັນ​ແນວ​ນັ້ນຈຶ່ງ​ເຮັດ​ໃຫ້​ບາງ​ເຂດ ​ໂດຍ​ສະ​ເພາະ​​ເຂດ​ໂນນສູງ​ນ້ຳບໍ່​ສາມາດ​ໄປ​ຮອດ​ໄປ​ເຖິງ ​ແລະ ຂາດ​ນ້ຳ​ໃຊ້ ​ແລະ ເພື່ອ​ແກ້​ໄຂ​ບັນຫາ​ດັ່ງກ່າວ ໜ່ວຍ​ງານ​ສະ​ເພາະ​ກິດ​ນ້ຳປະປາ​ໄດ້​ລົງ​ກວດກາລະບົບ​ທໍ່ ​ເພື່ອ​ຫາ​ວິທີ​ສົ່ງ​ນ້ຳ ​ຫລື ​ແບ່ງປັນ​ນ້ຳຈາກ​ເຂດ​ອື່ນ​ມາ​ຊ່ວຍ ​ແລະ ​ໄດ້​ກຽມ​ຕິດຕັ້ງຈັກສູບນ້ຳຂຶ້ນ​ໄປ​ຫາ​ເຂດ​ດັ່ງກ່າວ ​ເພື່ອ​ແກ້​ໄຂ​ສະ​ເພາະ​ໜ້າ​ຈົນ​ກວ່າ​ການ​ກໍ່ສ້າງ​ໂຮງງານ​ຜະລິດ​ນ້ຳປະປາ​ດົງ​ໝາກຄາຍ​ຈະ​ສຳ​ເລັດ​ໃນ​ປີ 2015 ​ແລະ ພ້ອມ​ດຽວ​ກັນນີ້ ກໍ​ຮຽກຮ້ອງ​ມາ​ຍັງ​ຜູ້​ຊົມ​ໃຊ້​ຈົ່ງ​ຊ່ວຍ​ກັນ​ປະຢັດ, ບໍ່​ຟຸມ​ເຟືອຍ ​ແລະ ບໍ່​ນຳ​ໃຊ້​ນ້ຳປະປາ​ໄປ​ເຮັດ​ແນວ​ອື່ນຖ້າ​ພົບ​ເຫັນ​ທໍ່​ນ້ຳຮົ່ວ​ໄຫລ​ໃຫ້​ແຈ້ງ​ໄປ​ຫາ​ບໍລິສັດ​ນ້ຳປະປາ​ດ່ວນເພື່ອ​ແກ້​ໄຂ​ໃຫ້​ທັນ​ການ.

ສະພາ​ການ​ຄ້າ​ຊີ້ຍັງ​ມີ​ຫລາຍ​ບັນຫາ​ທ້າ​ທາຍ​ຕໍ່​ການ​ສົ່ງ​ເສີມ​ທຸລະ​ກິດ​ຢູ່​ປະ​ເທດ​ເຮົາ

     ພາຍຫລັງ​ສະພາ​ການ​ຄ້າ ແລະ ອຸ​ດສາ​ຫະກຳ​ແຫ່ງ​ຊາດ​ລາວ ​ໄດ້​ຮັບ​ການ​ສ້າງຕັ້ງຂຶ້ນ​ໃນ​ປີ 1989 ​​ໄດ້​ຊ່ວຍ​ກະຕຸກ​ຊຸກຍູ້ ແລະ ສົ່ງ​ເສີມ​ໃຫ້​ຂະ​ແໜງ​ການ​ຄ້າ ​ແລະ ອຸດສາຫະກຳ​ຂອງ​ຊາດ​ມີ​ໜໍ່​ແໜງ​ເຕີບ​ໃຫຍ່​ຂະຫຍາຍຕົວ, ຫລາຍ​ຜະລິດ​ຕະພັນ​ຂອງ​ລາວ​ໄດ້​ຖືກ​ສົ່ງ​ອອກ​ໄປ​ຕ່າງປະ​ເທດ ແລະ ນັກ​ລົງທຶນ​ຕ່າງປະ​ເທດ​ກໍ​ເຂົ້າມາ​ລົງທຶນ​ໃນ​ລາວ​ເພີ່ມ​ຂຶ້ນ ທຸກ​ປີ. ​​ແຕ່ແນວ​ໃດ​ກໍ​ຕາມ, ​ເມື່ອ​ທຽບ​ໃສ່​ຄວາມ​ຮຽກຮ້ອງ​ຕ້ອງ ການ​ຂອງ​ໄລຍະ​ໃໝ່​ຍຸກ​ແຫ່ງ​ການ​ເຊື່ອມ​ໂຍງ​ເສດຖະກິດ​ກັບ​ສາກົນ​ເຫັນ​ວ່າ​ຍັງ​ມີ​ຫລາຍ​ບັນ ຫາ​ທ້າ​ທາຍ​ຕໍ່​ການ​ສົ່ງ​ເສີມ​ທຸລະ​ກິດ​ຢູ່​ປະ​ເທດ​ເຮົາ ​ໂດຍ​ສະ​ເພາະ​ໃນ​ບົດ​ຄຳ​ເຫັນ​ຂອງ​ປະທານ​ສະພາ​ການ​ຄ້າ ​ແລະ ອຸດສາຫະ ກຳ​ແຫ່ງ​ຊາດ ຢູ່​ກອງ​ປະຊຸມ​ພົບ​ປະລະ​ຫວ່າງນາຍົກລັດຖະມົນຕີ ກັບ​ສະພາ​ການ​ຄ້າ ​ແລະ ອຸດສາ ຫະກຳ​ແຫ່ງ​ຊາດ ​ເມື່ອ​ວັນ​ທີ 21 ເມສາ​ນີ້ວ່າ: ນັບ​ແຕ່​ມີການ​ຫັນປ່ຽນ​ຈາກ​ການ​ຜະລິດ​​ແບບ​ເອກະ​​ເທດ​ເປັນ​ການ​ຜະລິດ​ແບບ​ທັນ​ສະ​ໄໝ​ໃນ​ບາງ​ແຂວງ​ແມ່ນ​ມີ​ຄວາມ​ຫຍຸ້ງຍາກຍ້ອນ​ສະພາບ​ເສດຖະກິດ​ຢູ່​ທ້ອງ​ຖິ່ນ ​ແລະ ຄວາມ​ຮູ້​ຄວາມ​ສາມາດ​ຂອງ​ຜູ້​ປະກອບ​ການ​ມີ​ຈຳກັດ ​ໂດຍ​ສະ​ເພາະ​ການ​ຜະລິດ​ສິນຄ້າ​ກະສິກຳ​ໃນ​ບັນດາ​ແຂວງ​ພາກ​ເໜືອ​ແມ່ນ​ຕິດ​ພັນ​ກັບ​ການ​ຄ້າ​ຊາຍ​ແດນ​ເປັນ​ສ່ວນ​ຫລາຍ ​ແລະ ມີ​ການ​ເຄື່ອນ​ໄຫວ​ທີ່​ຫຍຸ້ງຍາກ​ເຊັ່ນ: ຕ້ອງ​ມີ​ໂກ​ຕ້າ​ນຳ​ເຂົ້າສິນຄ້າ​ກະສິກຳ​ຈາກ​ປະ​ເທດ​ເພື່ອນ​ບ້ານ ​ແລະ ການ​ເກືອດ​ຫ້າມ​ການ​ນຳ​ເຂົ້າ ສິນຄ້າ​ບາງ​ຊະນິດ. ນອກຈາກ​ນັ້ນ ບາງ​ທ້ອງ​ຖິ່ນ​ອະນຸຍາດ​ໃຫ້​ພໍ່ຄ້າ​ຕ່າງປະ​ເທດ​ເຂົ້າມາ​ເກັບຊື້ຜົນ​

ເມືອງສີສັດຕະນາກ ປະຊຸມແຜນສະກັດກັ້ນສະພາບລັກຊັບພົນລະເມືອງ

    ເມືອງສີສັດຕະນາກ ເປີດປະຊຸມຫາລືວຽກງານແກ້ໄຂບັນຫາປາກົດການຫຍໍ້ທໍ້ພາຍຫຼັງອາທິດຜ່ານມາເຫັນວ່າສະພາບ ຄວາມບໍ່ສະຫງົບໃນພື້ນທີ່ເກີດຂື້ນໃນ ເມືອງຂອງຕົນແມ່ນພົ້ນເດັ່ນກວ່າບັນດາຕົວເມືອງອື່ນໆເປັນຕົ້ນແມ່ນສະພາບລັກຊັບ ເຮັດໃຫ້ເຈົ້າໜ້າທີ່ຕ້ອງດຳເນີນການປະຊຸມຫາລືເພື່ອສະກັດກັ້ນ ແລະ ແກ້ໄຂສະພາບດັ່ງກ່າວໃຫ້ສັງຄົມມີຄວາມສະຫງົບ.

         ທ່ານ ພັນໂທ ທອງສະຫວັດ ແສນສຸຫວາດ ຮອງຫົວໜ້າກອງບັນຊາການ ປກສ ເມືອງສີສັດຕະນາກ ກ່າວວ່າ: ປັດ ຈຸບັນສະພາບຫຍໍ້ທໍ້ເກີດຂຶ້ນສ່ວນໃຫຍ່ແມ່ນບັນຫາລັກຊັບ, ປຸ້ນຈີ້-ຊີງຊັບໂດຍມີສາເຫດມາຈາກບັນຫາຢາເສບຕິດ ແລະ ໄພ ສັງຄົມເຖິງວ່າຜ່ານມາເມືອງກໍໄດ້ສຸມໃສ່ຮັກສາຄວາມສະຫງົບ ແລະ ເປັນລະບຽບຮຽບຮ້ອຍໃນສັງຄົມໂດຍໄດ້ເພີ່ມທະວີການ ກວດກາຂອງເຈົ້າໜ້າທີ່, ຂຶ້ນບັນຊີເປົ້າໝາຍຜູ້ເຄື່ອນໄຫວກໍ່ຄວາມບໍ່ສະຫງົບ ແລະ ສາມາດຈັບຕົວຜູ້ກະທຳຜິດມາດຳເນີນຄະດີ ໄດ້ຫຼາຍລາຍ, ຫຼາຍກຸ່ມແກ້ງ, ແຕ່ ພາຍຫຼັງຕົ້ນປີມານີ້ ເຫັນວ່າປາກົດການຫຍໍ້ທໍ້ທີ່ເກີດຂຶ້ນພາຍໃນເມືອງຕົນສ່ວນຫຼາຍແມ່ນ ບັນຫາລັກຊັບໂດຍສະເພາະລັກລົດຈັກ, ງັດຕູ້ເຊັບ ແລະ ອື່ນໆ, ສະນັ້ນ ໃນກອງປະຊຸມສ່ອງແສງກອງບັນຊາການ ປກສ ນະ

ເກີດອຸປະຕິເຫດລົດຈັກຕຳຂອບທາງໂພນຕ້ອງ-ສະຫວ່າງ ຜູ້ຂັບເສຍຊີວິດຄາທີ່

       ຕອນເຊົ້າວັນທີ 23 ເມສານີ້ ໄດ້ເກີດອຸປະຕິເຫດລົດຈັກ CBR ໝາຍເລກ ທະບຽນ 4333 ກຳແພງນະຄອນ ເກີດອຸປະຕິເຫດຕຳເອົາຂອບທາງເສັ້ນໂພນ ຕ້ອງ-ສະຫວ່າງຢ່າງຮຸນແຮງເຮັດໃຫ້ຜູ້ຂັບຂີ່ຝົ້ງອອກຈາກລົດກ່ອນຈະໄປຕຳເອົາ ກັບປ້າຍວົງວຽນເທີງທາງຍ່າງເສຍຊີວິດຄາທີ່ຊຶ່ງສາເຫດຂອງການເກີດອຸປະຕິເຫດ ທາງເຈົ້າໜ້າທີ່ຍັງສືບສວນ-ສອບສວນ.

           ເຈົ້າໜ້າທີ່ຈະລາຈອນ ນະຄອນຫຼວງວຽງຈັນ ໃຫ້ຮູ້ວ່າ: ໃນອາທິດຜ່ານ ມານີ້ ຢູ່ນະຄອນ ຫຼວງວຽງຈັນມີອຸປະຕິເຫດ ເກີດຂຶ້ນ 26 ກໍລະນີ ສົ່ງຜົນໃຫ້ມີຜູ້ ເສຍຊີວິດ 3 ຄົນ ຄື: ໃນວັນທີ 15 ເມສາຢູ່ເຂດບ້ານໜອງໜ່ຽງ ເມືອງໄຊທານີ ນະຄອນ ຫຼວງວຽງຈັນໄດ້ເກີດອຸປະຕິເຫດລົດ ຈັກຕຳຄົນຍ່າງແຄມທາງເສຍຊີວິດຄາທີ່, ໃນວັນທີ 16 ເມສາຢູ່ ເສັ້ນທາງ 13 ເໜືອ ເຂດ ບ້ານທົ່ງປົ່ງໄດ້ເກີດອຸປະຕິເຫດລົດ ໃຫຍ່ຕຳລົດຈັກເຮັດໃຫ້ຜູ້ຂັບຂີ່ລົດຈັກເສຍຊີວິດຄາທີ່, ປັດຈຸບັນ ຜູ້ຂັບລົດໃຫຍ່ເອົາຕົວຫຼົບ ໜີຊຶ່ງ ເຈົ້າໜ້າທີ່ກຳລັງຕິດຕາມ ຕົວມາດຳເນີນຄະດີ ແລະ ວັນທີ 20 ເມສານີ້ຢູ່ເຂດບ້ານໂພນຄຳ ເມືອງ ສີໂຄດຕະບອງ ນະ ຄອນຫຼວງວຽງຈັນ ໄດ້ເກີດອຸ ປຕະເຫດລົດຈັກຕຳຄົນຍ່າງເສຍຊີວິດຄາທີ່, ເຈົ້າໜ້າທີ່ໃຫ້ທັດສະນະ ວ່າ: ສາເຫດສ່ວນໃຫຍ່ທີ່ ພາໃຫ້ເກີດອຸປະຕິເຫດ ແມ່ນຍ້ອນຂັບຂີ່ລົດໄວ, ດື່ມສິ່ງມຶນເມົາ ແລະ ແຊງບໍ່ຮັບປະກັນ.

ກະສິກຳ-ປ່າໄມ້ສຸມໃສ່ປົກປັກຮັກສາ ແລະ ຄຸ້ມຄອງປ່າໄມ້

     ກະຊວງກະສິກຳ ແລະ ປ່າໄມ້ໃຫ້ຮູ້ ວ່າ: ເພື່ອຮັບປະກັນໃຫ້ແກ່ການປູກໄມ້ປີນີ້ບັນລຸຜົນຕາມແຜນການທີ່ວາງໄວ້ຂະ ແໜງ ການຂອງຕົນກໍໄດ້ອອກແຮງເຮັດວຽກງານໂຄສະນາເຜີຍແຜ່ແຈ້ງ ການສະບັບເລກທີ່ 0015/ກປ, ລົງວັນທີ 10 ມີນາ 2014  ກ່ຽວກັບການປະຕິບັດແຜນການປູກໄມ້ ແລະ ຟື້ນຟູ່ປ່າທຳມະຊາດ ປະຈຳສົກປີ 2013-2014 ໃຫ້ ທ້ອງຖິ່ນຕ່າງໆ ຈັດຕັ້ງປະ ຕິບັດ, ພ້ອມທັງໄດ້ຕິດຕາມ ແລະ ຄຸ້ມ ຄອງການສຳຫຼວດ-ຈັດສັນປ່າ ຜະລິດເຂດລ້ອງຄານ, ລ້ອງຄາວ ເມືອງພູກູດ ໃນເນື້ອທີ່ 33.341 ເຮັກຕາ ແລະ ສຳຫຼວດປ່າຜະ ລິດນ້ຳໂມ້ເມືອງໝອກ, ແຂວງ ຊຽງຂວາງໃນເນື້ອທີ່ 35.312 ເຮັກຕາ, ສຳເລັດການຈັ ດສັນເຂດຄຸ້ມຄອງຍ່ອຍທົ່ງພ້າວໃນ ເນື້ອທີ່ 16.858 ເຮັກຕາ, ເຂດຄຸ້ມ ຄອງຍອຍຊ້າງຄຳໃນເນື້ອທີ່ 15.907 ເຮັກຕາ ແລະ ເຂດຄຸ້ມ ຄອງຍ່ອຍສະເຫຼີຍໃນເນື້ອທີ່ 11.986 ເຮັດຕາຢູ່ເຂດປ່າຜະລິດ ເມືອງຊຳເໜືອແຂວງຫົວພັນ, ສຳເລັດ ການຈັດຕັ້ງ ປະຕິບັດ ແຜນການກຳນົດເຂດຟື້ນຟູປ່າ ໄມ້, ການຂຸດຄົ້ນໄມ້ ແລະ ການ ເກັບເຄື່ອງປ່າຂອງດົງໃນ 6 ເດືອນຕົ້ນປີ ແລະ ສືບຕໍ່ຈັດພະນັກງານວິຊາການລົງສົມທັບກັບທ້ອງຖິ່ນຊຸກຍູ້ການເກັບແກ່ນກ້າ ໄມ້ເພື່ອຮອງຮັບແຜນການປູກໄມ້ໃນລະ