ສານນະຄອນຫລວງຕັດສີນລົງໂທດຜູ້ຄ້າມະນຸດຂ້າມຊາດຈຳ ຄຸກ 15 ປີ

    ເມື່ອບໍ່ດົນມານີ້, ສານນະຄອນ ຫລວງວຽງຈັນໄດ້ຕັດສິນລົງ ໂທດນາງ ປານີ ອາຍຸ 33 ປີຢູ່ ບ້ານຈອມເພັດ ເມືອງສີສັດຕະ ນາກ ນະຄອນຫລວງວຽງຈັນ ໃຫ້ຈຳຄຸກເປັນເວລາ 15 ປີ, ພ້ອມ ປັບໃໝເງິນ 100 ລ້ານກີບ, ໂດຍ ຜູ້ກ່ຽວຖືກເຈົ້າໜ້າທີ່ຈັບ ຕົວໄດ້ ເມື່ອຕົ້ນ ເດືອນພຶດສະພາ 2014 ໃນຂໍ້ຫາຄ້າມະນຸດ, ເຊິ່ງໃນປີ 2011 ນາງປານີ ໄດ້ຕົວະຍົວະ ຫລອກຫລວງຍິງ ລາວ ອາຍຸແຕ່ 17-23 ປີຈຳນວນ 7 ຄົນ, ວ່າຈະ ພາໄປເຮັດວຽກ ເສີບອາຫານຢູ່ ປະເທດໄທ, ເນື່ອງຈາກມີລາຍ ໄດ້ດີ, ແຕ່ສຸດທ້າຍ ໄດ້ເອົາຍິງຈຳນວນ ດັ່ງກ່າວໄປຂາຍເຂົ້າ ຮ້ານບໍລິການຂອງນ້ອງສາວຜູ້ ກ່ຽວ ແລະ ບີບບັງຄັບໃຫ້ຍິງ ສາວຕ້ອງ ຂາຍບໍລິການທາງ ເພດເພື່ອເອົາເງິນມາໃຊ້ໜີ້ນ້ອງສາວສຳລັບຄ່າແລ່ນເອກກະສານ ຕ່າງໆ, ເຊິ່ງຍິງສາວຈຳນວນ ດັ່ງກ່າວບໍ່ມີທາງເລືອກ ແລະ ຕ້ອງ ທົນທຸກທໍລະມານຈຳຍອມ ຂາຍບໍລິການທາງເພດເປັນເວ ລາສອງປີ, ກ່ອນຈະມີເຈົ້າໜ້າທີ່ ຕຳຫລວດໄທໄປກວດກາ ແລະ ຊ່ວຍເຫລືອຍິງສາວທັງໝົດ ອອກມາໄດ້ ແລະ ສົ່ງກັບຄືນປະເທດ.

ປກສ ໄຊເສດຖາ ຈັບໂຈນງັດແງະຕົວອັນຕະລາຍ

    ເຈົ້າໜ້າທີ່ ປສກ ເມືອງໄຊ ເສດຖາ, ນະຄອນຫລວງວຽງ ຈັນ ໃຫ້ຮູ້ວ່າ: ພາຍ ຫລັງໄດ້ຮັບ ແຈ້ງຈາກຜູ້ເສຍຫາຍຢູ່ບ້ານທາດ ຫລວງໃຕ້ ເມືອງໄຊເສດຖາ ເມື່ອ ວັນທີ 21 ກໍລະກົດ 2014 ວ່າ: ໄດ້ມີຄົນຮ້າຍງັດຮ້ານຂາຍ ເຄື່ອງອາໄຫລ່ຂອງຕົນ ແລະ ກວາດເງິນໃນຕູ້ເຊັບໄປຫລາຍ ກວ່າ 30 ລ້ານກີບກັບ 500 ໂດລາ ສະຫະລັດ, ຈຶ່ງໄດ້ຈັດກຳລັງຕິດ ຕາມຄັດຈ້ອນເປົ້າໝາຍ ແລະ ຕົກມາຮອດວັນທີ 18 ກັນຍາ 2014 ຈຶ່ງສາມາດຈັບຄົນຮ້າຍ ທີ່ລົງມືກໍ່ເຫດໄດ້ຄື: ທ້າວ ສອນ ທະວີ ຫລື ນົກ (ສາວປະ ເພດ ສອງ) ອາຍຸ 25 ປີຢູ່ບ້ານທາດ ຫລວງໃຕ້, ເມືອງໄຊເສດຖາ. ຜ່ານການສືບສວນ-ສອບສວນ ຜູ້ກ່ຽວຮັບສາ ລະພາບຕໍ່ເຈົ້າ ໜ້າທີ່ວ່າ: ເວລາປະມານ 18:00 ໂມງ, ຕົນໄດ້ງັດເຂົ້າເຮືອນໃກ້ ຄຽງຫລັງໜຶ່ງແລ້ວໄຕ່ໄປຕາມ ຫລັງຄາຮ້ານ

ເຈົ້າໜ້າທີ່ອາວຸໂສພະລັງງານອາຊຽນຫາລືບັນຫາເຊື່ອມຈອດຕາຂ່າຍໄຟຟ້າພາກພື້ນ

     ກອງປະຊຸມເຈົ້າໜ້າທີ່ອາວຸໂສພະລັງງານອາຊຽນ ແລະ ບັນດາປະເທດຄູ່ເຈລະ ຈາໄດ້ໄຂຂຶ້ນໃນວັນທີ 22 ກັນຍານີ້, ຢູ່ໂຮງ ແຮມດອນຈັນພາເລດ ນະຄອນຫລວງ ວຽງຈັນ, ພາຍໃຕ້ການ ເປັນປະທານຂອງທ່ານ ດາວວົງ ພອນແກ້ວ ຫົວໜ້າກົມນະ ໂຍບາຍ ແລະ ແຜນພະລັງງານ, ກະຊວງພະລັງງານ ແລະ ບໍ່ແຮ່ທັງ ເປັນຫົວໜ້າຄະ ນະເຈົ້າໜ້າທີ່ອາວຸໂສພະລັງງານອາຊຽນຂອງລາວ, ເພື່ອກະກຽມເນື້ອໃນໃຫ້ແກ່ ກອງປະຊຸມລະດັບລັດຖະມົນຕີ ພະລັງານອາຊຽນຄັ້ງທີ 32 ທີ່ຈະໄຂຂຶ້ນຢ່າງເປັ ນທາງກາໃນວັນທີ 23-24 ກັນຍານີ້, ຢູ່ນະຄອນຫລວງວຽງຈັນ, ທີ່ມີຫົວຂໍ້ວ່າ: “ເຊື່ອມໂຍງໄຟຟ້າເພື່ອຄວາມ ສົມບູນ ພູນສຸກຂອງ ອາຊຽນ ”.

     ກອງປະຊຸມຄັ້ງນີ້, ຈະໄດ້ມີການທົບທວນຄືນການຈັດຕັ້ງປະຕິບັດແຜນການຮ່ວມມືກັນໃນໄລຍະຜ່ານມາ, ໂດຍສະເພາະ ບົດລາຍງານຂອງຫົວໜ້າເຈົ້າໜ້າທີ່ອາວຸໂສກ່ຽວກັບການປະຕິບັດໂຄງການຕ່າງໆໃນໜຶ່ງປີຜ່ານ ມາວ່າມີໜ້າວຽກໃດມີຜົນສຳ ເລັດ ແລະ ຍັງມີຂອດວຽກອັນໃດທີ່ຈະຕ້ອງໄດ້ສືບຕໍ່ຈັດຕັ້ງປະຕິບັດ ແລະ ມີວຽກງານດ້ານໃດ ແດ່ທີ່ຈະຕ້ອງໄດ້ເອົາເຂົ້າໃນ ແຜນການຮ່ວມມືໃນຕໍ່ໜ້າ, ນອກຈາກນີ້, ສປປ ລາວ, ຍັງໄດ້ສະເໜີຫົວຂໍ້ກ່ຽວກັບການຮ່ວມມືພັດທະນາພະລັງງານຂອງ

ລາວ-ຫວຽດນາມຮ່ວມມືພັດທະນາຕະຫຼາດທຶນ

    ຄະນະກໍາມະການຄຸ້ມຄອງ ຫຼັກຊັບທະນາຄານແຫ່ງ ສປປ ລາວ ຮ່ວມກັບຄະ ນະກໍາມະການຄຸ້ມຄອງຫຼັກຊັບ ສສ ຫວຽດ ນາມໄດ້ຈັດຕັ້ງການສຳມະນາ ພາຍ ໃຕ້ຫົວຂໍ້: “ບົດຮຽນໃນ ການພັດທະນາຕະຫຼາດທຶນຂອງ ສສ ຫວຽດນາມ “ ເຊິ່ງຈັດຂຶ້ນ ໃນວັນທີ 22 ກັນຍາຢູ່ໂຮງແຮມ ລ້ານຊ້າງ ນະຄອນຫຼວງວຽງຈັນ ແລະ ໄດ້ດຳເນີນມາເປັນເວລາ ໜຶ່ງວັນໂດຍການເປັນປະ ທານ ຮ່ວມຂອງທ່ານ ສອນໄຊ ສິດ ພະໄຊ ຮອງຜູ້ວ່າການທະນາຄານ ແຫ່ງ ສປປ ລາວ ແລະ ທ່ານຫງຽວນແທັງ ລອງຮອງປະທານຄະນະກໍາມະການຄຸ້ມຄອງຫຼັກຊັບ ສສ ຫວຽດນາມ, ພ້ອມນີ້ກໍມີທ່ານນາງວັດທະນາດາລາລອຍຫົວ ໜ້າສໍານັກງານ ຄະນະ ກໍາມະການຄຸ້ມຄອງຫຼັກຊັບ, ບັນດາພະນັກງານທີ່ມາຈາກ ຫ້ອງວ່າການສູນກາງພັກ, ຫ້ອງວ່າການ ລັດຖະບານ, ຄະ ນະຈັດຕັ້ງສູນກາງພັກ, ຄະນະກວດກາສູນກາງພັກ, ຄະນະໂຄ ສະນາອົບຮົມສູນກາງພັກ, ບັນດາກະ ຊວງ-ທຽບເທົ່າກະຊວງ, ອົງການ ແລະ ສະຖາບັນຕ່າງໆເຂົ້າຮ່ວມຈຳນວນຫຼວງຫຼາຍ.

ຜູ້ແທນຂັ້ນສູງຂອງຄະນະເສດຖະກິດສູນກາງພັກກອມມູນິດຫວຽດນາມມາຢ້ຽມຢາມລາວຢ່າງເປັນທາງການ

          ໃນວັນທີ 22  ກັນຍາ2014 ຄະນະຜູ້ແທນຂັ້ນສູງຂອງຫວຽດນາມ ນຳໂດຍ ສະຫາຍ ສຈ.ດຣ ເວື້ອງດິງເຫວ້ ກຳມະການສູນກາງພັກ, ຫົວໜ້າຄະນະ ເສດຖະກິດສູນກາງພັກກອມມູນິດ ຫວຽດນາມພ້ອມດ້ວຍຄະນະ, ໄດ້ເດີນທາງ ມາຢ້ຽມ ຢາມລາວ ຢ່າງເປັນທາງການເພື່ອສືບສານໝາກຜົນແຫ່ງການຢ້ຽມຢາມ ສສ ຫວຽດນາມ ຢ່າງເປັນທາງ ການຂອງຄະນະຜູ້ແທນໜ່ວຍງານຄົ້ນຄວ້າ ແຜນ ຍຸດທະສາດ ການພັດທະນາເສດຖະກິດສູນກາງພັກປະຊາຊົນປະຕິວັດລາວ ນຳໂດຍ ສະຫາຍ ບົວສອນ ບຸບ ຜາວັນໃນລະຫວ່າງເດືອນພຶດສະພາຂອງປີຜ່ານມາ, ເຊິ່ງເປັນການປະກອບສ່ວນອັນສຳຄັນ ເຂົ້າໃນ ໝາກຜົນລວມແຫ່ງການ ເພີ່ມພູນຄູນສ້າງສາຍພົວພັນມິດຕະພາບອັນເປັນມູນເຊື້ອ, ຄວາມສາມັກຄີແບບພິເສດ ແລະ ຮ່ວມມືຮອບດ້ານລະຫວ່າງສອງຊາດລາວ-ຫວຽດນາມ, ຫວຽດນາມ-ລາວເວົ້າລວມກໍຄືລະຫວ່າງອົງກອນຂອງສອງ ພັກໃຫ້ນັບມື້ເກີດດອກອອກຜົນຍິ່ງໆຂຶ້ນ.

ຂໍ້ຫ້າມຕ່າງໆໃນງານບຸນອອກພັນສາ ແລະ ຊ່ວງເຮືອປະເພນີ 2014

     ​ເມື່ອ​ມໍ່ໆ​ມາ​ນີ້, ຫ້ອງວ່າການ ນະຄອນຫລວງວຽງຈັນ ໄດ້ອອກແຈ້ງການເຖິງອຳ ນາດການ​ປົກຄອງ​ທຸກ​ຂັ້ນ ແລະ ປະຊາຊົນຊາວຄ້າຂາຍບັນດາຫ້າງຮ້ານຫົວໜ່ວຍ ທຸລະກິດຕ່າງໆ ທີ່ຢູ່ໃກ້ບໍລິເວນທ່າວັດຈັນ ແລະ ບໍລິເວນໃກ້ຄຽງເພື່ອການຈັດ ຕັ້ງ ສະເຫລີມສະຫລອງງານບຸນ ອອກພັນສາປະວໍລະນາ ແລະ ຊ່ວງເຮືອປະເພນີປະ ຈຳປີ 2014 ທີ່ທ່າວັດຈັນ ທີ່ຈະມາເຖິງນີ້ ໃຫ້ ດຳເນີນໄປດ້ວຍຄວາມສະຫງົບປອດ​ໄພ ແລະ ບັນຍາກາດ​ເບີກ ບານມ່ວນຊື່ນ, ດ້ວຍເຫດນັ້ນຈຶ່ງ ໄດ້ອອກຂໍ້ຫ້າມ ຕ່າງໆ ຄື: (1). ຫ້າມບໍ່​ໃຫ້ມີການໂຄສະນາທຸກ ຮູບແບບທີ່ຜິດກົດໝາຍຂອງ ສປປ ລາວ; (2). ຫ້າມຂາຍ ຫລື ນຳເອົາອາວຸດທຸກປະເພດລວມ ທັງ: ງ້າວ, ໜ້າ, ກະຖຸນ, ສະໜັບ ມື, ໂຄມໄຟລອຍໄປໃນງານໂດຍ ເດັດຂາດເວັ້ນເສຍແຕ່ເຈົ້າໜ້າທີ່ທີ່ໄດ້ຮັບອະນຸຍາດ; (3). ຫ້າມ ຂາຍ ແລະ ນຳເອົາສິ່ງເສບຕິດ, ທາດເບື່ອ, ສານເຄມີທີ່ອອກ ລິດຕໍ່ລະບົບປະສາດທຸກໆຊະນິດສິ່ງທີ່ເກີດສຽງດັງເກີນ ຂອບເຂດຄື: ບັ້ງກະໂພກ ເຂົ້າມາວາງສະແດງ ​ແລະ ຂາຍພາຍໃນງານ ຢ່າງເດັດຂາດ; (4). ຫ້າມນຳ ເອົາຜະລິດຕະພັນທີ່ຮຽນ ແບບຜ້າສິນລາວນຳເຂົ້າມາວາງຂາຍໃນງານຢ່າງເດັດຂາດ; (5). ຫ້າມ

ສື່ມີບົດບາດສຳຄັນໃນການກ້າວສູ່ປະຊາຄົມອາຊຽນ

    ໂອກາດຕ້ອນຮັບຄະນະສື່ ມວນຊົນລາວເມື່ອບໍ່ດົນມານີ້ (15/9/2014) ຢູ່ກະຊວງຕ່າງປະ ເທດໄທ, ທ່ານ ນັດທະວຸດ ໂພ ທິສາໂຣດ ຮອງຫົວໜ້າຫ້ອງ ການກະຊວງດັ່ງກ່າວໄດ້ມີຄຳ ເຫັນວ່າ: ເພື່ອກ້າວສູ່ປະຊາຄົມ ອາຊຽນ, ສື່ມວນຊົນນອກຈາກ ປະກອບສ່ວນເຜີຍແຜ່ຂໍ້ມູນຂ່າວສານໃຫ້ປະຊາຊົນຕົນເອງໄດ້ຮັບຮູ້ແລ້ວ, ການໂຄສະນາເຜີຍແຜ່ ຂໍ້ມູນຂ່າວສານຂອງບັນດາ ປະເທດສະມາຊິກອາຊຽນດ້ວຍກັນກໍຍິ່ງມີຄວາມສຳຄັນ ແລະ ຕ້ອງລາຍງານສະພາບຄວາມເປັນຈິງດ້ວຍບັນຍາກາດທີ່ສ້າງສັນ ບົນຫລັກການປະຕິບັດຕາມລະບຽບຂອງອາຊຽນ. ທ່ານ ນັດທະວຸດ ໂພທິສາໂຣດ ຍັງໄດ້ລາຍງານສະພາບການພັດທະນາເສດ ຖະກິດ-ສັງຄົມ ແລະ ການເມືອງໃຫ້ສື່ມວນຊົນລາວໄດ້ຮັບຮູ້ພາຍຫລັງທີ່ມີລັດຖະບານໃໝ່, ເຊິ່ງໂດຍລວມແມ່ນມີຄວາມ ສະຫງົບມີຄວາມເປັນລະບຽບຮຽບຮ້ອຍໂດຍພື້ນຖານ ແລະ ມີການພັດທະນາທີ່ດີຂຶ້ນ, ໃນນັ້ນບັນຫາ ເລັ່ງດ່ວນອັນໜຶ່ງຂອງ ລັດຖະບານແມ່ນການຈັດລະບຽບຂອງສັງຄົມນັບທັງການຂຶ້ນບັນຊີແຮງງານຕ່າງປະເທດໃຫ້ເຂົ້າສູ່ລະບຽບກົດໝາຍໃຫ້ສຳ ເລັດໂດຍໄວ. ຕໍ່ການພົວພັນໄທ-ລາວ, ທ່ານ ໄດ້ໃຫ້ທັດສະນະວ່າ: ຣາຊະອາ ນາຈັກໄທ ແລະ ສປປ ລາວ, ນອກຈາກເປັນສະ ມາຊິກອາຊຽນນຳກັນແລ້ວ, ທັງສອງປະເທດຍັງມີຊາຍແດນຕິດຈອດກັນ ແລະ ສອງປະເທດກໍມີການໄປມາຫາສູ່ກັນຕະ

ລັດສູນເສຍລາຍຮັບຈຳນວນຫລາຍຈາກການຍົກເວັ້ນພາສີນຳເຂົ້ານ້ຳມັນເຊື້ອໄຟ

    ກະຊວງອຸດສະຫະກຳ ແລະ ການຄ້າ ໃຫ້ຮູ້ວ່າ: ນ້ຳມັນເຊື້ອ ໄຟ, ຖືເປັນສີນຄ້າຍຸດທະສາດ ສຳຄັນຂອງ ສປປ ລາວ ເປັນ ແຫລ່ງລາຍຮັບຕົ້ນຕໍຂອງປະເທດທີ່ໄດ້ຈາກການເກັບພາສີນຳເຂົ້າ, ຊຶ່ງຍາມໃດລັດຖະບານ ກໍໃຫ້ຄວາມສຳຄັນໃນການກວດກາ ແລະ ຄຸ້ມຄອງຢ່າງໃກ້ຊິດ ເພື່ອຮັບປະກັນບໍ່ໃຫ້ມີການລັກ ລອບ ແລະ ຫລົບຫລີກອັນເປັນ ສາເຫດພາໃຫ້ເກີດມີການຮົ່ວ ໄຫລດ້ານລາຍຮັບ ແລະ ຜ່ານມາ ມີ 18 ບໍລິສັດ ທີ່ໄດ້ຮັບອະນຸຍາດ ນຳເຂົ້ານ້ຳມັນເຊື້ອໄຟຖືກຕ້ອງ ຕາມລະບຽບກົດໝາຍ, ເພື່ອຈຳ ໜ່າຍຮັບໃຊ້ສັງຄົມ ແລະ ນຳເຂົ້າ ເພື່ອມາຮັບໃຊ້ໂຄງການຂະໜາດໃຫຍ່ຂອງລັດເຊັ່ນ: ການກໍ່ສ້າງ ເຂື່ອນໄຟຟ້າ, ຂຸດ ຄົ້ນແຮ່, ກໍ່ສ້າງ ເສັ້ນທາງ ແລະ ແລວສາຍໄຟ ຟ້າ ອື່ນໆ, ແຕ່ພັດມີສ່ວນໜຶ່ງໄດ້ຮັບ ການຍົກເວັ້ນພາສີອາກອນ, ເຊິ່ງ ເປັນສາ ເຫດເຮັດໃຫ້ລັດສູນເສຍ ລາຍຮັບເປັນຈຳນວນຫລາຍໃນແຕ່ລະປີ. ອີງຕາມຂໍ້ມູນຕົວເລກ 6 ເດືອນຕົ້ນປີນີ້ມີມູນຄ່າການຍົກ ເວັ້ນພາສີອາກອນຈາກການນຳ ເຂົ້ານ້ຳມັນເຊື້ອໄຟຫລາຍກວ່າ 174 ຕື້ກວ່າກີບ. ນອກຈາກນີ້, ການສືບຕໍ່ນຳໃຊ້ລາຄາກາງ ແຈ້ງການເກັບພາສີອາກອນກັບບໍລິສັດນຳເຂົ້ານ້ຳມັນເຊື້ອໄຟກໍແມ່ນສາເຫດໜຶ່ງຂອງການສູນ ເສຍລາຍຮັບແຫ່ງຊາດ, ເຊິ່ງ ພວກເຮົາຈະຕ້ອງໄດ້ລົບລ້າງນະໂຍບາຍດັ່ງກ່າວເພື່ອພວກເຮົາຈະມີລາຍຮັບເພີ່ມຫລາຍຂຶ້ນ.

ຂັບຂີ່ດ້ວຍຄວາມປະໝາດເຮັດໃຫ້ຄົນອື່ນເສຍຊີວິດ

    ການຂັບຂີ່ພາຫະນະດ້ວຍຄວາມປະໝາດບໍ່ເຄົາລົບກົດລະບຽບຈະລາຈອນ ແມ່ນສາເຫດຕົ້ນຕໍຂອງການເກີດອຸປະຕິເຫດ ບົນທ້ອງຖະໜົນຢູ່ປະເທດເຮົາ, ຄືດັ່ງເຈົ້າໜ້າທີ່ຈະລາຈອນ ແຂວງຫລວງພະບາງລາຍງານໃຫ້ຮູ້ເມື່ອທ້າຍອາທິດ ຜ່ານມານີ້ວ່າ: ມີອຸປະຕິເຫດລົດຈັກຕຳລົດຈັກຢູ່ເສັ້ນທາງເຂດບ້ານນາຟາຍ, ເມືອງ ນານ, ແຂວງຫລວງພະບາງຢ່າງແຮງເຮັດມີຜູ້ເສຍຊີວິດຄາ ທີ່ໜຶ່ງຄົນຊື່ນາງ ພວງ ອາຍຸ 49 ປີຢູ່ບ້ານນາຝາຍ, ເມືອງ ແລະ ແຂວງດັ່ງກ່າວ ແລະ ມີຜູ້ບາດເຈັບສອງຄົນ. ຜ່ານການກວດ ກາສະຖານທີ່ເກີດເຫດຮູ້ວ່າ: ລົດຈັກທັງສອງຄັນແມ່ນຂັບຂີ່ມາ ຕາມທາງເບື້ອງດຽວກັນ, ແຕ່ຄັນໜຶ່ງຂັບຂີ່ໂດຍທ້າວ ບຸນມີ ອາຍຸ 58 ປີ ຢູ່ບ້ານທົງຄັງ ເມືອງນານ ແລ່ນມາດ້ວຍຄວາມໄວ ແລະ ຕຳເອົາທ້າຍລົດຄັນໜຶ່ງ ທີ່ຂັບຂີ່ໂດຍທ້າວ ເອກ ອາຍຸ 47 ປີ ແລະ ມີນາງ ພວງ ເຊິ່ງເປັນ ເມຍນັ່ງຊ້ອນທ້າຍລົ້ມລົງຢ່າງ ແຮງເຮັດໃຫ້ຫົວນາງ ພວງ ກະ ທົບກັບພື້ນທາງເສຍຊີວິດຄາທີ່, ສ່ວນລົດຈັກທີ່ມາຕຳເຈືອກໄຫລໄປໄກກວ່າ 20 ແມັດ, ເຈົ້າໜ້າທີ່ບອກວ່າ: ອຸປະຕິເຫດຄັ້ງນີ້, ແມ່ນຄົນຂັບລົດຈັກຕາມຫລັງມາມີອາການມືນເມົາຈຶ່ງຂັບຂີ່ດ້ວຍຄວາມໄວສູງຖືວ່າ ເປັນການຂັບຂີ່ດ້ວຍຄວາມປະໝາດຈົນເຮັດໃຫ້ເກີດອຸປະຕິເຫດ ແລະ ມີຜູ້ ເສຍຊີວິດດັ່ງກ່າວ.

ກັ່ນຕອງເອົາສິ່ງດີໆຈາກມວນຊົນ ( ຄໍລຳ ບັນຫາຈານແຍ່ )

ໂດຍ : ວິເສດ ສະແຫວງສຶກສາ

     ຈານແຍ່ອ່ານພົບໃນໜັງສືພິມ ຫລາຍສະບັບ ວ່າມີການແຂ່ງຂັນ ປະກາດຄຳຂວັນ ເພື່ອລະລຶກ ຫລື ຂ່ຳນັບຮັບຕ້ອນວັນ ສ້າງຕັ້ງສາຍພົວພັນການທູດ ລາວ-ຍີ່ປຸ່ນ, ຍີ່ ປຸ່ນ-ລາວ ຄົບຮອບ 60 ປີໃນຕໍ່ໜ້າ ໂດຍມີກະຕິກາການແຂ່ງຂັນປະ ກວດລະ ອຽດ ຄັກແນ່. ສຳລັບ ສ່ວນຕົວແລ້ວ ເຫັນວ່າເປັນເລື່ອງ ດີ, ຄວນເອົາເປັນຕົວແບບຈັດ ການແຂ່ງຂັນປະກວດ ເມື່ອພວກ ເຮົາຕ້ອງ ການຄຳຂວັນດີໆທີ່ຕິດ ພັນກັບເຫດການ ປະຫວັດສາດ, ຕິດພັນກັບຄຳສອນ, ຄະຕິເຕືອນໃຈ, ຈາລິຍະທຳ, ທຳມະຈາລິຍາ ລວມໄປເຖິງຄຳເຕືອນສຳລັບການຂັບຂີ່, ຫົວຂໍ້ລາຍການວິທະຍຸ, ລາຍການໂທລະພາບ ແມ່ນ ແຕ່ຊື່ຄໍລຳໃນໜ້າໜັງ ສືພິມ ກໍຄືຊື່ ໜັງສືພິມ, ວາລະສານເອງ ກໍຄວນມີການ ແຂ່ງຂັນປະກວດບໍ່ພຽງແຕ່ເພື່ອເປັນສະເໜ່ດຶງດູດ, ແຕ່ຍັງຕ້ອງເປັນ ຊື່ທີ່ ສ່ອງແສງ ເນື້ອໃນສັງລວມທີ່ພວກເຮົາຕ້ອງການ ຈາກຄຳຂວັນ, ປະໂຫຍກ ເຕືອນສະຕິເຫລົ່ານັ້ນ. ຜ່ານມາ ຕາມສັງເກດ, ການ ກຳນົດຄຳຂວັນ, ການຕັ້ງຊື່ລາຍການສາລະ ຄະດີ ແມ່ນແຕ່ຊື່ວາລະສານ-ໜັງ ສືພິມ ພວກເຮົາຍັງບໍ່ທັນມີການປະ ກາດ ໃຫ້ມີການແຂ່ງຂັນປະກວດກັນຢ່າງກວ້າງຂວາງ ເພື່ອ ຈະໄດ້ເຊິ່ງປະໂຫຍກຄຳເວົ້າທີ່ກິນ ອົກກິນໃຈ. ການປະກວດຄຳ ຂວັນ, ຄຳ ຄົມ, ສຸພາສິດ, ປະໂຫຍກສະຕິເຕືອນ