ກອງ​ປະຊຸມ​ໄອ​ປາຄັ້ງທີ 35 ​ປິດ​ລົງ​ດ້ວຍ​ຜົນ​ສຳ​ເລັດ​ອັນຈົບງາມ

     ກອງປະຊຸມສະມັດຊາລັດຖະສະພາລະຫວ່າງຊາດອາຊຽນ ຫລື ໄອປາ (AIPA) ຄັ້ງທີ 35 ໄດ້ ປິດລົງດ້ວຍຜົນສຳເລັດ ອັນຈົບງາມໃນວັນທີ 19 ກັນຍານີ້, ພາຍ ຫລັງດຳເນີນມາເປັນເວລາ 4 ວັນຢູ່ນະຄອນຫລວງວຽງຈັນ, ພາຍໃຕ້ການເປັນ ປະທານ ຂອງ ທ່ານນາງ ປານີ ຢາທໍຕູ້ ປະທານສະພາແຫ່ງຊາດລາວ.

     ກອງປະຊຸມຄັ້ງນີ້, ມີຜູ້ແທນຈາກບັນດາປະເທດສະມາຊິກໄອປາ, ຜູ້ແທນຈາກ ບັນດາລັດຖະສະພາປະເທດສັງເກດການ 8 ປະເທດ, ເລຂາທິການໃຫຍໄອ ປາ, ຮອງເລຂາທິການໃຫຍ່ອາ ຊຽນເຂົ້າຮ່ວມ 395 ທ່ານ, ກອງປະຊຸມຄັ້ງນີ້ມີຫົວຂໍ້ວ່າ:“ ປັບປຸງການຮ່ວມມືລັດຖະສະພາໃຫ້ ເຂັ້ມແຂງເພື່ອສ້າງປະຊາຄົມອາຊຽນ ”, ເຊິ່ງໄດ້ປຶກສາຫາລື ແລະ ຕົກລົງຮ່ວມກັນ 25 ມະຕິ ໃນກອງປະຊຸມປິ່ນອ້ອມສຳຄັນ ຄື: ກອງປະຊຸມກຳມາທິການ ສະມາຊິກລັດຖະສະພາເພດຍິງ ຂອງໄອປາ (WAIPA) ແມ່ນຫາ ລືການປັບປຸງບົດບາດຂອງສະ ມາຊິກລັດຖະສະພາເພດຍິງໃຫ້ ເຂັ້ມແຂງໃນການສ້າງປະຊາຄົມອາຊຽນ, ເພີ່ມທະວີ ຄວາມພະຍາຍາມໃນການສະກັດກັ້ນທຸກ

ຍີ່ປຸ່ນໃຫ້ການຊ່ວຍເຫລືອໂຄງ ການປັບປຸງອຸປະກອນແພດພະແນກຫູ, ດັງ, ຄໍ ໂຮງໝໍມະໂຫສົດ

     ພິທີມອບ-ຮອບການຊ່ວຍເຫລືອຈາກລັດຖະບານເພື່ອການປັບປຸງອຸປະກອນ ການແພດພະແນກຫູ, ດັງ, ຄໍ, ໂຮງໝໍມະ ໂຫສົດພາຍໃຕ້ໂຄງການເສີມສ້າງ ຄວາມ ໝັ້ນຄົງຂອງມະນຸດຂັ້ນ ຮາກຖານ ຫລື GGP ລວມມູນ ຄ່າຫລາຍກວ່າ 121.000 ໂດລາສະຫະລັດໄດ້ມີຂຶ້ນໃນວັນທີ 18 ກັນຍານີ້, ທີ່ໂຮງໝໍດັ່ງກ່າວລະ ຫວ່າງ ທ່ານ ຮິໂຣະຢຸກິ ຄິຊິໂນະ ເອກອັກຄະລາຊະ ທູດຍີ່ປຸ່ນປະຈຳ ສປປ ລາວ ແລະ ທ່ານ ດຣ. ບຸນກອງ ສີຫາວົງ ລັດຖະມົນຕີ ຊ່ວຍວ່າການກະຊວງສາທາລະນະສຸກ.

     ໂຄງການຊ່ວຍເຫລືອດັ່ງ ກ່າວນີ້ມີ: ກ້ອງຈຸລະທັດ, ກ້ອງສ່ອງພາຍໃນ (Endoscope) ພ້ອມກັບຈໍສະແດງຜົນ ແລະ ທໍ່ສ່ອງ (Suction Instrument) ແລະ ເພື່ອພັດທະນາຄຸນນະພາບຂອງ ການບົ່ງມະຕິພະຍາດ, ການປິ່ນປົວ ແລະ ການຜ່າຕັດເພື່ອຫລຸດຜ່ານຄ່າໃຊ້ຈ່າຍໃຫ້ຄົນເຈັບທີ່ບໍ່ຈຳເປັນຕ້ອງເດີນທາງ ໄປຮັກສາຢູ່ຕ່າງປະເທດນຳອີກ.

ລົງນາມໂຄງການທົດລອງຜະລິດໄຟຟ້າຈາກແສງຕາເວັນ

    ໃນ​ວັນ​ທີ 19 ​​ກັນຍານີ້, ຢູ່​ສຳນັກງານລັດ​ວິ​ສຫະກິດກໍ່ສ້າງ ​ແລະ ຕິດຕັ້ງ​ໄຟຟ້າ (ກຕຟ), ນະຄອນຫລວງວຽງຈັນໄດ້ມີພິທີລົງນາມບົດບັນທຶກຄວາມເຂົ້າໃຈໃນ ການພັດທະນາຜະລິດໄຟຟ້າຈາກແສງຕາເວັນ ລະຫວ່າງທ່ານ ບຸນ​ທຳ ​ແສນ​ພັນ​ສີຣິ ອຳນວຍ ການ​ (ກຕຟ) ​ແລະ ທ່ານ ຢາງ ຈຽນ ຕາງໜ້າບໍລິສັດໄຟຟ້າ​ນ້ຳຕົກ ສປ ຈີນ,​ ເພື່ອ​ສຳ​ຫລວດ ​ແລະ ສ້າງ​ບົດ​ວິພາກ​ເສດຖະກິດ ກ້າວ​ໄປ​ເຖິງ​ການຕິດຕັ້ງສະຖານີ ຜະລິດ​ໄຟຟ້າ​ແສງຕາ​ເວັນຢູ່ນະຄອນ ຫລວງ​ວຽງຈັນ, ເຊິ່ງຄາດ​ວ່າ​ຈະ​ສ້າງຕັ້ງ​ເປັນ​ໂຄງການ​ຕົວ​ແບບ ດ້ານ​ເຕັກ​ໂນ​ໂລ​ຊີຜະລິດ​ພະລັງ ງານ​ທີ່​ສະອາດບໍ່ສົ່ງ​ຜົນກະທົບ​ຕໍ່ສິ່ງ​ແວດ​ລ້ອມໂດຍ​ມີ​ເປົ້າໝາຍ ສະໜອງ ໃຫ້ໄຟຟ້າ​ລາວ​ໃນ​ອະນາຄົດ.

     ທ່ານ ອຳນວຍການ​ (ກຕຟ) ກ່າວວ່າ: ໂຄງການ​ນີ້, ຈະ​ເລີ່ມການທົດລອງ​ໃນ​ເຂດ​ນິຄົມ​ອຸດສາຫະກຳຫລັກ 21, ນະຄອນ ຫລວງວຽງຈັນ, ​ໂດຍ​ຈະ​ເລືອກ​ເອົາພື້ນທີ່​ເຂດ​ທີ່​ບໍ່ສາມາດ​ນຳ​ໃຊ້​ເຂົ້າ​ໃນ​ການ​ຜະລິດກະສິກຳໄດ້ ແລະ ຫາກ​ໂຄງການ​ໄດ້ຮັບ​

ປກສ ແຂວງບໍລິຄຳໄຊ ຈັບຜູ້ຄ້າຢາເສບຕິດ

     ເຈົ້າໜ້າທີ່ ປກສ ແຂວງ ບໍລິຄຳໄຊໃຫ້ຮູ້ວ່າ: ເວລາປະ ມານ 10:30 ໂມງຂອງ ວັນທີ 17 ກັນຍາຜ່ານມານີ້, ໄດ້ມີພົນລະ ເມືອງດີລາຍງານໃຫ້ຮູ້ວ່າ: ຈະ ມີການຊື້ ຂາຍຢາເສບຕິດຢູ່ເຂດ ບ້ານນາບອນ, ເມືອງປາກກະດິງ ແຂວງບໍລິຄຳໄຊ, ຈາກນັ້ນ ຈຶ່ງໄດ້ນຳກຳລັງລົງຕິດຕາມເປົ້າ ໝາຍ ແລະ ເຫັນລົດຕູ້ສະຕາ ແລັກໝາຍເລກທະ ບຽນ ກກ 7082 ຄຳມ່ວນເຊິ່ງເປັນລົດເປົ້າ ໝາຍຈອດຢູ່ແຄມທາງເລກ 13 ໃຕ້ເຂດ ບ້ານນາບອນ, ເມືອງ ປາກກະດິງ, ຈຶ່ງເຂົ້າກວດຄົ້ນ ລົດຄັນດັ່ງກ່າວພົບເຫັນຂອງ ກາງຢາບ້າຈຳນວນ 386 ເມັດ, ກັກຕົວຜູ້ຖືກຫາໄດ້ຄື: ທ້າວ ບຸນ ມາ ລໍວັນໄຊ ອາຍຸ 38 ປີ, ທ້າວ ບຸນມີ ອາຍຸ 40 ປີ ແລະ ທ້າວ ດາວເພັດ ອາຍຸ 38 ປີ, ໂດຍທັງ ສາມຄົນຢູ່ບ້ານໂພນສີ ເມືອງ ປາກກະດິງ ແຂວງບໍລິຄຳໄຊ.

     ຜ່ານການສືບສວນ-ສອບ ສວນຂອງເຈົ້າໜ້າທີ່ພວກກ່ຽວ ຮັບສາລະພາບວ່າ: ໄດ້ຊື້ຢາບ້າ ດັ່ງກ່າວຈາກຂະບວນການຄ້າ ຢາເສບຕິດຢູ່ບ້ານດຽວກັນນຳ ມາຂາຍໃຫ້ລູກຄ້າຢູ່ບ້ານນາ ບອນເມືອງປາກກະດິງ, ແຕ່ຖືກ ເຈົ້າໜ້າທີ່ຈັບຕົວມາດຳເນີນຄະ ດີສາກ່ອນ.

ວຽກງານອຸຕຸນິຍົມ ແລະ ອຸທົກກະສາດຂອງລາວໄດ້ຮັບການພັດທະນາດີຂຶ້ນ

     ກອງປະຊຸມໃຫຍ່ຄັ້ງທີ I ຂອງໜ່ວຍພັກກົມອຸຕຸນິຍົມ ແລະ ອຸທົກກະສາດກະ ຊວງຊັບພະຍາກອນທຳມະຊາດ ແລະ ສິ່ງແວດ ລ້ອມທີ່ໄດ້ຈັດຂຶ້ນໃນວັນທີ 19 ຕຸ ລານີ້, ຢູ່ກະຊວງດັ່ງກ່າວເພື່ອ ເລັງໃສ່ທົບທວນຫວນຄືນວຽກງານຂອງຕົນທີ່ຜ່ານ ມາ ເພື່ອຫັນໄດ້ອັນດີທີ່ຈະຕ້ອງສົ່ງເສີມ ແລະ ອັນອ່ອນຄົງຄ້າງທີ່ຈະຕ້ອງໄດ້ ເອົາໃຈ ໃສ່ປັບປຸງແກ້ໄຂດັ່ງທ່ານ ສີທັນ ສຸດທິຈັກ ເລ ຂາໜ່ວຍພັກ, ຫົວໜ້າກົມອຸຕຸນິຍົມ ແລະ ອຸທົກ ກະສາດໃຫ້ຮູ້ວ່າ: ໄລຍະຜ່ານມາ ໜ່ວຍພັກຂອງຕົນໄດ້ເປັນເຈົ້າ ການຊີ້ ນຳພະນັກງານສະມາ ຊິກພັກສຸມໃສ່ເຮັດວຽກວິຊາສະ ເພາະດ້ວຍຄວາມຮັບຜິດຊອບຄື ໄດ້ເອົາໃຈໃສ່ເກັບກຳຄົ້ນຄວ້າວິໄຈຂໍ້ ມູນ ແລະ ຄາດຄະເນການປ່ຽນແປງສະພາບອາກາດ, ຝົນ ແລະ ນ້ຳແຕ່ລະວັນພ້ອມທັງ ອອກແຈ້ງຂ່າວເຕືອນໃຫ້ອົງການຈັດ ຕັ້ງຕ່າງໆ ແລະ ປະຊາຊົນໄດ້ຮັບຊາບຢ່າງວ່ອງໄວ ແລະ ທັນເຫດການ ແລະ ເຫັນວ່າວຽກງານດັ່ງກ່າວນັບມື້ໄດ້ ຮັບການພັດ ທະນາດີຂຶ້ນໄປ ເລື້ອຍໆ, ບັນດາສະຖານີ ແລະ ອຸ ປະກອນອຸຕຸ-ອຸທົກ ນັບທັງຢູ່ສູນ ກາງ ແລະ ທ້ອງຖິ່ນໄດ້້ຮັບການ ສັບ ປ່ຽນ, ປັບປຸງປົວແປງ ແລະ ເຮັດໜ້າທີ່ວຽກງານໄດ້ດີຂຶ້ນ, ໂດຍສະເພາະທາງດ້ານພະຍາກອນອາກາດແມ່ນມີຄວາມຊັດ

ໂຄລາວນຳ​ສະ​ເໜີ​ລົດ​ລຸ້ນ​ໃໝ່ ເກຍAll New Soul

     ໃນວັນ​ທີ 19 ກັນຍາ​​ນີ້, ບໍລິ ສັດໂຄລາວ​ໄດ້​ນຳ​ສະ​ເໜີ​ລົດ​ເກຍ ລຸ້ນ​ໃໝ່ All New Soul ຂຶ້ນຢູ່​ທີ່​ຕົວ​ແທນ​ຈຳໜ່າຍ​ເກ​ຍຖະໜົນ T2 ນະຄອນຫລວງ​ວຽງ​ຈັນ ​ໂດຍ​ການ​ເຂົ້າຮ່ວມ​ຂອງ​ທ່ານ ບູຊິກ ກຄິມ ອຳນວຍ​ການ​ໃຫຍ່​ບໍລິສັດ ໂຄ​ລາວພ້ອມ​ຄະນະຜູ້ບໍລິຫານ ແລະ ລູກ​ຄ້າເຂົ້າຮ່ວມ​ເປັນ​ຈຳ ນວນ​ຫລາຍ.

     ທ່ານ​ຜູ້ອຳນວຍການ​ໃຫຍ່​ບໍລິສັດ​ ​ໂຄ​ລາວ ກ່າວ​ວ່າ: ລົດ ເກຍ​ລຸ້ນ​ໃໝ່ All New Soul ​ເປັນ​ນະ​ວັດຕະ​ກຳ​ໃໝ່​ຂອງ​ໂຄ​ລາວ, ທີມີຮູບ​ໂສມ​ໃໝ່​ກວ້າງຂວາງ​ຂຶ້ນກວ່າ​ລົດ​ລຸ້ນ​ເກົ່າເຖິງ 15 ມິນ​ລີ​ແມັດ, ມີ​ຂະໜາດ​ຍາວ​ຂຶ້ນ​ ​ແລະ​ ຕ່ຳ​ກວ່າ​ໂຊ​ກ່ອນ, ທີ່​ສຳຄັນ​ແມ່ນ​ມີ​ຄວາມ​ແຂງ​ແກ່ນ​ທົນ​ທານ, ຄວາມ​ປານີດ​ທັງ​ພາຍ​ໃນ ​ແລະ ພາຍ​ນອກ​ຄ້າຍຄື​ລົດ​ຈິບ​ແບບ​ສະ ປອດ ​ແລະ ​ພ້ອມທັງເພີ່ມ​ຄວາມ​ທັນ​ສະ​ໄໝ​ຂອງ​ເຕັກ​ໂນ​ໂລ​ຊີ ແລະ ປະສິດທິພາບ​ຂອງ​ເຄື່ອງ​ຈັກ​ໃນ​ການ​ຂັບ​ຂີ່​ທີ່​ປອດໄພ, ຕາ​ໄຟ​ໜ້າ ແລະ ທ້າຍ​ໃນ​ຮູບ​ແບບ LED, ພ້ອມໄຟຕັດ

ອົງການການເງິນສາກົນ (IFC) ຮ່ວມຫາລື ແລະ ປະກອບ ຄຳເຫັນໃສ່ຮ່າງກົດໝາຍວ່າ ດ້ວຍຊັບພະຍາກອນນ້ຳສະບັບປັບປຸງ

     ໃນວັນທີ 18 ກັນຍານີ້, ອົງການການເງິນສາກົນ (IFC), ຊຶ່ງເປັນໜຶ່ງໃນສະມາຊິກຂອງ ກຸ່ມທະນາຄານໂລກໄດ້ຮ່ວມກັບ ລັດຖະບານລາວຈັດກອງປະຊຸມປຶກສາຫາລືຂຶ້ນຢູ່ນະຄອນຫລວງວຽງຈັນ, ໂດຍການສະໜັບສະ ໜູນຂອງທະນາຄານໂລກ ເພື່ອນຳສະເໜີຮ່າງກົດໝາຍວ່າດ້ວຍຊັບພະຍາກອນນ້ຳສະບັບປັບປຸງທີ່ລວມເອົາຂໍ້ກຳນົດວ່າດ້ວຍສິດຂອງການນຳໃຊ້ນ້ຳເຂົ້າ ຕື່ມເພື່ອ ຮັບປະກັນຄວາມສະເໝີພາບ ທາງດ້ານສິດການນຳໃຊ້ ແລະ ການຄຸ້ມຄອງຊັບພະຍາກອນນ້ຳຢູ່ໃນ ສປປ ລາວ.

     ໃນກອງປະຊຸມນີ້ ມີຜູ້ຕາງ ໜ້າຫລາຍກວ່າ 40 ທ່ານ ເຂົ້າ ຮ່ວມ ແລະ ປະກອບຄຳເຫັນໃສ່ ຮ່າງກົດໝາຍດັ່ງກ່າວຈາກອົງ ການຈັດຕັ້ງສັງຄົມ, ອົງການຈັດ ຕັ້ງສາກົນ, ພາກເອກະຊົນ, ຄູ່ ຮ່ວມພັດທະນາ ແລະ ສະຖາບັນ ການສຶກສາຕ່າງໆ, ຜູ້ເຂົ້າ ຮ່ວມກອງປະຊຸມໄດ້ສະເໜີຄຳຄິດເຫັນຫລາຍບັນຫາເປັນຕົ້ນແມ່ນການປົກປ້ອງສິດການນຳໃຊ້ຊັບພະ ຍາກອນນ້ຳຂະໜາດນ້ ອຍຂອງປະຊາຊົນ, ຊຶ່ງການດຳລົງຊີວິດ ຂອງເຂົາເຈົ້າແມ່ນຂຶ້ນກັບຄວາມສາມາດໃນການເຂົ້າເຖິງການ ນຳໃຊ້ນ້ຳໂດຍກົງ ແລະ ນອກ ຈາກນັ້ນຍັງໄດ້ສະເໜີໃຫ້ມີການປັບປຸງເພີ່ມເຕີມກ່ຽວກັບນິຍາມ ຄຳສັບຕ່າງໆໃຫ້ມີຄວາມຈະແຈ້ງຂຶ້ນຕື່ມເປັນຕົ້ນ ແມ່ນການນຳໃຊ້ຂະໜາດນ້ອຍ, ກາງ ແລະ ໃຫຍ່ກ່ອນຈະນຳໄປສະເໜີຕໍ່ສະພາແຫ່ງຊາດເພື່ອການຮອງຮັບໃນທ້າຍປີນີ້.

ອຳນວຍການນ້ຳປະປາຊີ້ແຈງຕື່ມການເກັບເງິນຄ່າບຳລຸງຮັກສາໝໍ້ແທກນ້ຳ

     ເນື່ອງຈາກຄວາມບໍ່ເຂົ້າໃຈ ຂອງປະຊາຊົນຜູ້ຊົມໃຊ້ນ້ຳຢູ່ໃນນະຄອນຫລວງ ວຽງຈັນກ່ຽວກັບການເກັບເງິນຄ່າບຳລຸງຮັກສາໝໍ້ແທກນ້ຳຂອງລັດວິສາຫະກິດ ນ້ຳປະປານະຄອນຫລວງວຽງຈັນໃນແຕ່ລະເດືອນ, ຊຶ່ງບັນຫານີ້ ທາງຜູ້ຮັບຜິດ ຊອບພາກ ສ່ວນກ່ຽວຂ້ອງໄດ້ອອກມາຊີ້ແຈງ ຫລາຍຄັ້ງ ແຕ່ຜູ້ຊົມໃຊ້ຈຳນວນໜຶ່ງ ຍັງບໍ່ທັນເຂົ້າໃຈກໍໃຫ້ເກີດມີຫາງສຽງຈົ່ມວ່າຕາມຄວາມ ເຂົ້າໃຈຂອງແຕ່ລະຄົນ. ດັ່ງນັ້ນເພື່ອ ເຮັດໃຫ້ບັນຫານີ້ມີຄວາມກະຈ່າງແຈ້ງ ແລະ ເປັນທີ່ເຂົ້າໃຈຂອງທຸກຄົນນັກຂ່າວໜັງສືພິມ ລາວພັດທະນາຈຶ່ງ ໄດ້ສະເໜີຂໍສຳພາດ ທ່ານ ຄຳເຜີຍ ວົງສາຄຳຜຸຍ ຜູ້ ອຳນວຍການໃຫຍ່ລັດວິສາຫະກິດນ້ຳປະປາ ນະຄອນ ຫລວງວຽງຈັນ, ຊຶ່ງທ່ານໄດ້ໃຫ້ຄຳກະ ຈ່າງແຈ້ງຕື່ມຕໍ່ກັບຂໍ້ຂ້ອງໃຈດັ່ງກ່າວວ່າ: ຄືດັ່ງທີ່ພວກເຮົາຮູ້ນຳ ກັນແລ້ວ, ການເກັບ ຄ່ານ້ຳປະປາ, ຄ່າໄຟຟ້ານັບທັງການເກັບ ຄ່າບຳລຸງຮັກສາໝໍ້ແທກນ້ຳຈາກຜູ້ຊົມໃຊ້ແມ່ນລັດຖະບານເປັນຜູ້ ກຳນົດໃຫ້ໃນ ແຕ່ລະໄລຍະ, ໂດຍ ລັດວິສາຫະກິດຂອງຕົນຈະບໍ່ສາ ມາດຂຶ້ນ-ລົງລາຄາຕໍ່ຜູ້ຊົມໃຊ້ ຕາມພາລະການ. ຄືດັ່ງທີ່ຜູ້ໃຊ້ຫລາຍ ຄົນເຂົ້າໃຈສະ ເໜີຢາກ

ສປ ຈີນ ເປັນອັນດັບໜຶ່ງການລົງທຶນໃນລາວ

     ທ່ານ ດຣ ບຸນທະວີ ສີສຸພັນ ທອງລັດຖະມົນຕີຊ່ວຍວ່າການ ກະຊວງແຜນການ ແລະ ການລົງທຶນລາວໄດ້ກ່າວຕໍ່ກອງປະ ຊຸມທຸລະກິດການຄ້າ ແລະ ການ ລົງທຶນ ໃນງານວາງສະແດງສິນຄ້າຈີນ-ອາຊຽນຄັ້ງທີ 11 (CAEXPO 11th) ທີ່ໜານໜີງ ສປ ຈີນ ໃນວັນທີ 17 ກັນຍາ 2014 ວ່າ: ສະພາບການລົງທຶນ ຂອງຕ່າງປະເທດໃນ ສປປ ລາວ ໂດຍລວມແຕ່ລະປີມີທ່າອ່ຽງເພີ່ມ ຂຶ້ນຢ່າງຕໍ່ເນື່ອງ, ພາຍຫລັງທີ່ມີການເປີດກວ້າງເສດຖະກິດເລີ່ມແຕ່ມີກົດໝາຍ ສົ່ງເສີມການລົງ ທຶນຕ່າງປະເທດສະບັບປີ 1988 ເປັນຕົ້ນມາ. ປັດຈຸບັນມີໂຄງການລົງທຶນທັງພາຍໃນ ແລະ ຕ່າງປະເທດ 4.500 ໂຄງການ, ມີມູນ ຄ່າທັງໝົດ 25.281 ຕື້ໂດລາສະ ຫະລັດມາຈາກ 53 ປະເທດຢູ່ໃນ 15 ຂະແໜງການຫລັກເປັນ ຕົ້ນ: ຂະແໜງບໍ່ແຮ່, ພະລັງງານໄຟ ຟ້າ, ກະສິກຳ, ບໍລິການ ແລະ ອື່ນໆ, ເຊິ່ງໃນນັ້ນ 6 ປະເທດ ທີ່ມີການລົງທຶນຫລາຍ ກວ່າໝູ່ໄດ້ແກ່ສປ ຈີນ, ສສ ຫວຽດນາມ, ໄທ, ສ ເກົາ ຫລີ, ຝຣັ່ງ ແລະ ປະ ເທດຍີ່ປຸ່ນ.

     ສຳລັບການລົງທຶນຂອງ ສປ ຈີນເຫັນວ່າມີທ່າກ້າວຂະຫຍາຍຕົວຢ່າງຕໍ່ເນື່ອງເປັນອັນດັບໜຶ່ງນັບແຕ່ປີ 2008 ມາຮອດປັດ ຈຸບັນ ສາມາດສັງລວມໄດ້ທັງໝົດ 755 ໂຄງການ, ມີມູນຄ່າການລົງທຶນ ທັງໝົດ 6.501 ຕື້ໂດລາສະຫະ ລັດໃນ 14 ຂະແໜງ ການໃນທົ່ວປະເທດ, ກິດຈະການການລົງ ທຶນທີ່ໄດ້ຮັບຄວາມສົນໃຈກວ່າໝູ່ແມ່ນຂະແໜງພະລັງງານໄຟຟ້ານ້ຳຕົກ, ກະສິກຳ, ອຸດສາຫະກຳ, ຫັດຖະກຳ, ການບໍລິການ ແລະ ອື່ນໆ.

ລາວຈະໃຫ້ສຳເລັດການສຳຫລວດມາດຕາສ່ວນທໍລະນີສາດ-ແຮ່ທາດຫລາຍເຂດໃນປີ 2017

    ກົມທໍລະນີສາດ-ບໍ່ແຮ່, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໃຫ້ຮູ້ວ່າ: ປັດຈຸບັນ ,ພວມຈັດຕັ້ງປະ ຕິບັດໂຄງການສຳຫລວດທໍລະນີສາດ-ແຮ່ທາດໃນມາດຕາສ່ວນ 1:200.000 ຢູ່ ຫລາຍເຂດໃຫ້ສຳ ເລັດໃນປີ 2017 ຄື ເຂດ ຕາເວັນຕົກສ່ຽງໃຕ້ຂອງແຂວງຫລວງ ພະບາງ-ຕາເວັນອອກສ່ຽງໃຕ້ ຂອງແຂວງໄຊຍະບູລີ, ໃນເນື້ອ ທີ່ 16.309 ກິໂລຕາ ແມັດ, ໂດຍການຊ່ວຍເຫລືອຈາກ ສປ ຈີນ ໃນມູນຄ່າ 21,5 ລ້ານຢວນ (ສະ ກຸນເງິນຈີນ) ຫລື ປະມານ 3,3 ລ້ານກວ່າໂດ ລາສະຫະລັດ, ຢູ່ ເຂດໃຕ້ຫລວງພະບາງ-ເໜືອ ແຂວງວຽງຈັນໃນເນື້ອທີ່ປະ ມານ 15.519 ກິໂລຕາແມັດ, ເຊິ່ງ ແມ່ນ ສສ ຫວຽດນາມໃຫ້ການ ຊ່ວຍເຫລືອໃນມູນຄ່າ 69,9 ຕື້ ດົງ (ສະກຸນເງິນຫວຽດນາມ) ຫລື ປະມານ 3,2 ລ້ານກວ່າໂດລາສະ ຫະລັດ.

    ນອກຈາກນີ້, ລັດຖະບານໄທ, ຍັງໄດ້ໃຫ້ການຊ່ວຍເຫລືອທຶນ ປະມານ 19 ລ້ານກວ່າບາດ (ສະ ກຸນເງິນໄທ) ເພື່ອເຝິກອົບ ຮົມ ແລະ ຍົກລະດັບວິຊາການດ້ານ ການວິໃຈ, ການສຳຫລວດແຮ່ ທາດ, ສຶກສາຊາກພືດ-ສັດ-ຫີນ ດຶກດຳບັນ ແລະ ວິເຄາະ ຮູບຖ່າຍທາງອາກາດ-ອາວະກາດ, ສຶກ ສາໂຄງການສ້າງທໍລະນີສາດ ແລະ ແຜ່ນດິນໄຫວ ແລະ ໂຄງການຊ່ວຍເຫລືອລ້າຈາກ

ຈຳຄຸກ 3 ປີຍ້ອນຂົ່ມຂື່ນ

    ໃນວັນທີ 16 ກັນຍານີ້, ສານ ປະຊາຊົນນະຄອນຫລວງວຽງ ຈັນ, ໄດ້ຕັດສິນລົງ ໂທດທ້າວ ດົວຢາງ ອາຍຸ 26 ປີຢູ່ບ້ ານໜອງສອງຫ້ອງ, ເມືອງໄຊທານີ, ນະ ຄອນ ຫລວງວຽງຈັນ, ຈຳຄຸກ ເປັນເວລາ 3 ປີ, ໂດຍຖືກເຈົ້າ ໜ້າທີ່ຈັບຕົວມາດຳເນີນ ຄະດີໄດ້ ເມື່ອທ້າຍເດືອນຕຸລາ 2009 ໃນ ຂໍ້ຫາຂົ້ມຂືນຍິງຄົນໜຶ່ງອາຍຸ 20 ປີຢູ່ຖຽງນາເຂດບ້ານ ໂພນງາມ ເມືອງໄຊທານີ ນະຄອນຫລວງວຽງຈັນ ເມື່ອທ້າຍເດືອນກຸມພາ 2009 ແລະ ຂູ່ຍິງຄົນນັ້ນຫ້າມ ບອກກັບເຈົ້າໜ້າທີ່ ແລະ ຕົກມາຮອດທ້າຍ ເດືອນຕຸລາ 2009 ຍິງ ເຄາະຮ້າຍຈຶ່ງໄດ້ບອກພີ່ນ້ອງຕໍ່ເຫດການທີ່ເກີດຂຶ້ນ ແລະ ແຈ້ງຕໍ່ເຈົ້າໜ້າທີ່ນຳຈັບຕົວ ມາດຳເນີນຄະດີຕາມລະບຽບກົດໝາຍ.

ການຜະລິດເປັນສິນຄ້າໃນໄລຍະໜຶ່ງປີຜ່ານມາມີທ່າຂະຫຍາຍຕົວເພີ່ມຂຶ້ນ

       ທ່ານຫົວໜ້າກົມແຜນການ, ກະຊວງກະສິກຳ ແລະ ປ່າໄມ້ ໃຫ້ຮູ້ວ່າ: ການຜະລິດພືດເປັນ ສິນຄ້າໃນໄລຍະໜຶ່ງ ປີຜ່ານ ມາມີທ່າຂະຫຍາຍຕົວເພີ່ມຂື້ນເປັນ, ໂດຍສະເພາະແມ່ນການປູກກາ ເຟ ປະຕິບັດໄດ້ 89.300 ໂຕນ, ສາ ລີແຂງປະຕິບັດໄດ້ 1 ລ້ານກວ່າ ໂຕນ, ເພີ່ມຂຶ້ນ 6%, ຢ່າງພາລາ ມີເນື່ອທີ່ປູກທັງໝົດ 261 ພັນ ກວ່າເຮັກຕາ ແລະ ສາມາດກີດ ຢ່າງໄດ້ແລ້ວ 30 ພັນກວ່າເຮັກຕາ, ຜົນຜະລິດປະມານ 90 ພັນ ໂຕນ, ມັນຕົ້ນປະຕິບັດໄດ້ 1,5 ລ້ານກວ່າໂຕນ, ເພີ່ມຂຶ້ນ 11%, ອ້ອຍປະຕິ ບັດ ໄດ້ 1,6 ລ້ານໂຕນ, ເພີ່ມຂຶ້ນເທົ່າຕົວ, ໝາກເດືອຍປະ ຕິບັດໄດ້ 175 ພັນກວ່າໂຕນ, ເພີ່ມ ຂຶ້ນ 28%, ນອກນັ້ນຍັງມີ ການຜະ ລິດໝາກກ້ວຍ, ໝາກນັດ, ໝາກ ໂມ, ໝາກຫຸ່ງ ແລະ ຖົ່ວຕ່າງໆ ກໍເພີ່ມຂຶ້ນເຊັ່ນກັນ, ໂດຍສະເພາະ ຢູ່ບັນດາແຂວງ ພາກ ເໜືອແມ່ນ ເປັນຂະບວນການດີກ່ວາບ່ອນ ອື່ນ ແລະ ສາມາດສົ່ງອອກໄປ ຕ່າງປະເທດເຊັ່ນ, ສປ ຈີນ. ສຳລັບການລ້ຽງສັດ ເປັນສິນຄ້າກໍ່ມີການຂະຫຍາຍຕົວ ແລະ ມີປັດ ໃຈໃໝ່ຫຼາຍຂຶ້ນ, ດ້ວຍການນຳ ໃຊ້ແນວພັນປັບປຸງ ແລະ ກ້າວ ໄປສູ່ການລ້ຽງ ແບບອຸດສາຫະ ກຳ (ແບບເປັນຟາມ), ປັດຈຸບັນ ທົ່ວປະເທດມີຟາມລ້ຽງງົວທັງ ໝົດ 195 ຟາມ, ມີງົວປະມານ 28 ພັນໂຕ, ສຳລັບຟາມລ້ຽງໝູ່ ແມ່ນມີທ່າຂະຫຍາຍຕົວດີກວ່າ ໝູ່, ປັດຈຸບັນມີ 775 ຟາມ, ມີໝູ່ 291 ພັນກວ່າໂຕ, ເດັ່ນກວ່າໝູ່ ແມ່ນ ຟາມລ້ຽງໝູ່ຢູ່ນະຄອນ ຫຼວງວຽງຈັນ, ແຂວງວຽງຈັນ ແລະແຂວງຄຳມ່ວນ, ສຳລັບ ຟາມລ້ຽງສັດປີກມີ 405 ຟາມ, ມີ