ທ້າຍອາທິດຜ່ານມາ, ໄດ້ເກີດເຫດໄຟໄໝ້ເຮືອນປະຊາຊົນ ເສຍຫາຍກ້ຽງ 2 ຫລັງ, ເຊິ່ງຫລັງທີໜຶ່ງໄດ້ເກີດຂຶ້ນໃນເວລາປະມານ 19 ໂມງຂອງວັນທີ
11 ກັນຍາ ນີ້,
ຢູ່ບ້ານນາໄຊ
ໜ່ວຍ 8, ເມືອງໄຊເສດຖາ ນະຄອນຫລວງວຽງຈັນ, ເປັນເຮືອນ 2 ຊັ້ນ ເທິງໄມ້ລຸ່ມກໍ່, ໂດຍມີສາເຫດມາຈາກໄຟຟ້າຊ໋ອດຢູ່ກະດານໄຟຊັ້ນ 2 ແລ້ວລຸກລາມໄປທົ່ວເຮືອນຢ່າງໄວ ລວມມູນຄ່າເສຍຫາຍປະມານ 350 ລ້ານກີບ ແລະ ໃນເວລາປະມານ 10 ໂມງເຊົ້າຂອງວັນທີ 12 ກັນຍານີ້, ຢູ່ບ້ານໂພນສົມບູນ ໜ່ວຍ 2 ເມືອງສີໂຄດຕະບອງ ນະຄອນຫລວງວຽງຈັນ ໄດ້ເກີດເຫດໄຟໄໝ້ເຮືອນປະຊາຊົນ ເຊິ່ງເປັນເຮືອນ 2 ຊັ້ນ, ເສຍຫາຍໝົດຫລັງເຊັ່ນກັນ ລວມໄປເຖິງລົດໃຫຍ່ 1 ຄັນ ແລະ ລົດຈັກ
2 ຄັນ ຖືກໄຟລວບ, ເຈົ້າຂອງເຮືອນ ໃຫ້ຮູ້ວ່າ: ກ່ອນອອກຈາກບ້ານ ຕົນເອງໄດ້ຈູດທູບທຽນບູຊາຮ້ານພະ
ຢູ່ຊັ້ນ 2 ແລ້ວກໍອອກຈາກບ້ານໄປຕັກບາດກັບຄອບຄົວຢູ່ວັດໂພນສົມບູນ ຫລັງຈາກນັ້ນ ທູບທຽນທີ່ຈູດໄຟໄວ້ນັ້ນ ໄດ້ເກີດໃໝ້ແລ້ວລາມໄປໃສ່ແຜ່ນແພ
ແລະ ອື່ນໆທີ່ຢູ່ບໍລິເວນນັ້ນແລ້ວລຸກລາມໄປທົ່ວເຮືອນຢ່າງໄວວາ ລວມມູນຄ່າເສຍຫາຍປະມານ 250 ລ້ານກີບ.
No comments:
Post a Comment